الأخيرة

عمرو سلامة يكشف كواليس فيلم ”برا المنهج”

عمرو سلامة يكشف كواليس فيلم ”برا المنهج”
شدوى ممدوح

تحدث المخرج عمرو سلامة، عن كواليس فيلم ”برا المنهج”، مشيرا إلى أن موت الطفل في نهايته ليس أكيدا.

قال ”سلامة”، خلال استضافته مع الإعلامية لميس الحديدي، في حلقة مساء أمس من برنامج “كلمة أخيرة”، المذاع عبر قناة ”on”: ”نهاية الفيلم الناس هي اللي تترجمها حسب ما تحب وأنا كتبت الفيلم ده كتير أوي وحسيت إن نهايته لازم تكون صادقة”.

نرشح لك: عمرو سلامة ينشر لأول مرة تصورات الأفكار البصرية لمسلسل “ما وراء الطبيعة”

أضاف: ”نهاية الفيلم بذات بتبقى الحاجة اللي أنت عايز الناس بعد ما تخرج من السينما تخليهم يفكروا في أيه النقاش اللي الفيلم عايز يفتحه، ومن وجهة نظري الفيلم ده كنت عايز من خلاله الناس تسأل نفسها أكتر من إن يكون في إجابة مريحة تخليهم ينسوا الفيلم بمجرد ما يخرجوا”.

تابع ”سلامة” أنه قصد أن يتحدث عن صفة الصدق بالتحديد في فيلم ”برا المنهج”، لافتا: ”كنت عايز أتكلم عن الصدق بالذات لأن ده الأساس في الفيلم، وإن لو احنا اتربينا على الكذب إزاي نعرف في يوم من الأيام نواجه الحقيقة”.

استطرد: ”أنا اتربيت على حاجات كتير لما واجهتها وأنا كبير عانيت في خروجي منها، أفكار كتير اتحشت جوا الواحد من وهو صغير فلما كبر مكنش سهل يتخلص منها فالفيلم ده عن الحاجات اللي بتتحشى جوانا”.

قال ”سلامة” إن شخصية المراكبي التي يجسدها الفنان ماجد الكدواني، هي التي تحاول كشف الحقيقة للطفل، لافتا: ”الولد بينجو بالكذب طول الفيلم فشخصية المراكبي في الفيلم بتحاول توريله الحقيقة فين وده نتيجته بنشوفها في آخر الفيلم”.

وعن تضمن فيلم ”برا المنهج” على عدة أفكار متناقضة، أشار: ”الفيلم كله عن فكرة التناقض ما بين اللي بيتحشي في دماغنا وبين اللي ممكن ميكنش الحقيقة المطلقة، وكان في دماغي احكي 17 حكاية ولكن الفيلم مستحملش غير 3 بس”.

فيما أشاد بموسيقى الملحن راجح داوود، وخصوصا أن ذلك هو العمل الأول الذي يجمع بينهما.

فيلم “برا المنهج” بطولة ماجد الكدواني، روبي، أسماء أبو اليزيد، أحمد أمين، وإخراج وتأليف عمرو سلامة، وأحداثه تدور في إطار الرعب والإثارة.

فيلم برا المنهج

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock