نجل عبد الرحمن أبو زهرة: الإعلام يحاصرنا
طرح الموسيقار أحمد عبد الرحمن أبو زهرة، نجل الفنان الكبير عبد الرحمن أبو زهرة، منشورا علق من خلاله على تداول وسائل التواصل الاجتماعي والمواقع الإخبارية لأنباء والده الصحية.
كتب “أبو زهرة” عبر حسابه الشخصي على موقع “فيس بوك”: “مأساة التريند، منذ تدهور حالة الوالد الصحية اللي تقريبا مصر كلها تعرفها من كتر ما الصحافة والمواقع والإعلام وبرامج الفضائيات بتحاصرنا وبتكلمنا بمنتهي الإلحاح ده غير طبعا إن اللي اكتشفناه إن الكل لا يبحث إلا عن تريند والكل يبحث عن إنه يكون أول واحد يكتب خبر أو بينشر خبر أو ياخد أحاديث ومعلومات مني أنا أو أخواتي عن صحته بغض النظر عن ظروفه هو وصحته بجد وبالفعل وبدون النظر لمدى الضغط العصبي اللي بنتعرض له احنا كأسرة”.
نرشح لك: هنادي مهنا تنفي انفصالها عن أحمد خالد صالح
تابع: “المأساة في التريند بقي هي كمية الإشاعات اللي بتطلع وكمية الكلام الفارغ اللي بنقراه على لساننا إذا كان أنا أو أخواتي وده طبعا مصدر إزعاج كبير لنا كلنا”.
اختتم حديثه: “يا أهل الإعلام والمواقع وأشباه الصحفيين والإعلاميين نرجو منكم تحري الدقة واحترام رغبة الأسرة في فترات الضغط الشديدة إذا كنا عاوزين نتكلم أم لا لأن مفيش حد ممكن يتخيل ولا يحس بالظروف اللي بيمر هو واحنا بها”.
نجل عبد الرحمن أبو زهرة: بعد تدهور حالة الوالد الإعلام بيحاصرنا
