عروس كفر الدوار: ميرضيش حد اللي بيحصل فيا!
قالت أمنية طارق، عروس كفر الدوار، إنها لم تكن تخطط للكلام الذي قالته خلال توقيع عقد زواجها.
تابعت خلال مداخلة هاتفية ببرنامج “حديث القاهرة”، مع الإعلامية كريمة عوض، على قناة “القاهرة والناس”: “كنت عايزة أفرح جوزي بكلمتين وحبيت أفرحه بطريقتي، وتفاجأت بهجوم الناس ومعملتش تصرف غلط، ومش عارفة في إيه وأهلي وجوزي متبهدلين من التعليقات السلبية على السوشيال ميديا”.
نرشح لك: تعليق مبروك عطية على شروط عروس البحيرة
عبرت أمنية طارق، عن استياءها من حالة الهجوم التي تتعرض له منذ انتشار الفيديو، قائلة: “ميرضيش حد اللي حصل فيا ومضيقتش حد في حاجة عشان اتهاجم بالشكل ده، والفيديو نشرته عندي للذكرى وبعد ما اتشير اتبهدلت”.
تابعت: “بنشوف فيديوهات ناس بتحضن بعض ومفيش حد بيعلق هل الحضن حلال قدام الناس وأنا كلامي وحش قدام الناس، وحمايا كان واقف ورايا وفي ضهري، وإحنا ناس عاديين ولا طالبين ترند والكلام مأثر علينا نفسيا”، مؤكدة أنها وزوجها يقدرون أهلهم كثيرا.
من جانبها، علقت نهاد أبو القمصان، رئيس المركز المصري لحقوق المرأة، على فيديو أمنية طارق، عروس كفر الدوار، قائلة: “اللي زي أمنية بنت عندها فصاحة وطلاقة لسان ومش مخضوضة من الناس وحاجة مشرفة، وهي معملتش حاجة غير أنها بتمدح جوزها وبتطلب منه يحترم أهلها”.
أوضحت نهاد أبو القمصان، أن إحساس البعض بالعجز عما فعلته عروس كفر الدوار يجعلهم يصبوا فشلهم بوجه آخر على السوشيال ميديا، مؤكدة سعادتها بما فعلته عروس كفر الدوار كما امتدحت الفيديو ووصفته باللطيف.
أشارت نهاد أبو القمصان، إلى أن الزوج والزوجة لهما الحق في وضع الشروط خلال إبرام عقد الزواج، متابعة: “من حق الزوجة تحط شروط في عقد الزواج ومن حق الزوج يحط الشروط في العقد، ورأي ان الناس قبل ما تتجوز يأخذوا نسخة فاضية من عقد الزواج وده بيساعد هم يخططوا لحياتهم خاصة وأن شروط عقد الزوج مشروع وفق القانون”.