أبرزها عن رأيها في تامر حسني.. 13 تصريحا لـ هنا الزاهد
أجابت الفنانة هنا الزاهد على العديد من الأسئلة التي طرحها متابعيها من خلال خاصية القصص القصيرة عبر حسابها الشخصي على موقع “إنستجرام”.
نرشح لك: 11 تصريحا لـ كريم فهمي.. أبرزها عن التعاون مع هنا الزاهد ومحمد سلام
وجاءت إجابات “الزاهد” كالآتي:
1- أحب من الممثلات “سعاد حسني، شادية، جنيفر انستون، بيرين سات”.
2- لنسيان حبيب قديم ادعي ربنا يشيلوا من قلبك واشتغلي على نفسك واهتمي بيها ودلعيها.
3- تامر حسني طيب جدا ومجتهد وبيجبر بخاطر الناس أوي، وكريم فهمي طيب أوي ودمه خفيف، وليلى زاهر بحبها جدا ومؤدبة وجميلة وطيبة وشاطرة.
4- كان هيبقى فيه جزء تاني لمسلسل “أنا وهي” بس فكرنا وقولنا كفاية نجاح الجزء الأول وانتوا حبيتوهم واتبسطوا، مش عايزين نعمل حاجة أقل من الجزء الأول، ودائما الجزء التاني من أي حاجة مش بتبقى بنفس قوة الجزء الأول باستثناء مسلسل “الكبير” و”اللعبة”.
5- كل الشخصيات اللي مثلتها أثرت فيا بس اللي حبيتها أوي شخصية هند الرويعي في مسلسل “أنا وهي”، وشخصية حبيبة اللي هتشوفوها في فيلم “بحبك” في عيد الأضحى إن شاء الله.
6- مش هرجع تاني لبرنامج “هزر فزر”.
7- اتعلمت من الشغل مع أحمد حاتم إن الكيميا دي حاجة من عند ربنا وحاجة مهمة أوي في الشغل.
8- مش بحب الحلويات أوي.
9- عاملة 8 بيرسينغ.
10- أكتر صفة بكرهها الكدب.
11- بخاف من المرتفعات.
12- أكلتي المفضلة حاليا طاجن رز بالحمام.
13- هواياتي المفضلة التمثيل والرسم.
يشار إلى أن هنا الزاهد، انتهت مؤخرا من تصوير فيلمها الجديد “بحبك” الذي تشارك فيه الفنان تامر حسني دور البطولة.
فيلم “بحبك” من بطولة تامر حسني وهنا الزاهد وهدى المفتي. ويظهر في البرومو أن علاقة حب تجمع بين تامر حسني وهنا الزاهد، بينما تحب هدى المفتي، تامر.
في سياق متصل، تامر حسني كان قد كتب عن الفيلم عبر “إنستجرام”: “فيلمنا الجديد (بحبك) طبعا في ناس هتقرأ اسم الفيلم بحبِك وناس هتقراه بحبَك دا طبعا مقصود عشان في دراما الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثى للرجل في أحداث فعلاً محيره جدا”.
تابع: “الفيلم أكيد فيه ضحك بس في إطار رومانسي بحت مش موجود بقاله كتير، اتشرفت بمشاركة نجمة اليوم والمستقبل الجميلة هنا الزاهد ومبسوط إني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم”.
أضاف: “ومبسوط جدا لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة.. وللأسف لسه مصورش علشان أنزل صوره بس في أول يوم تصوير له ههريه صور.. وانتظروا بعد أيام انضمام نجمة جميلة مميزه من نجوم المستقبل اللي هيكون ليها مستقبل كبير إن شاء الله.. وفرحان جدا بانضمام الفنان الموهوب اوي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه”.
اختتم: “الفيلم من إنتاج حبايب قلبي وأصدقاء العمر.. سينرچي أحمد بدوي / تي ايتش برودكشن حسام حسني / سكاي ليميت أحمد الدسوقي”.
