الأخيرة

رسالة شكر من تامر حسني لطلاب الثانوية بالإسكندرية

محمد هيثم
رسالة شكر من تامر حسني لطلاب الثانوية بالإسكندرية
وجه الفنان تامر حسني، رسالة شكر لطلاب ومعلمي الثانوية العامة بمحافظة الأسكندرية، بعد أن أنتجوا مقطع فيديو مقتبس من أعماله لدعمهم نفسيا وتحفيزهم على المذاكرة، وإعطائهم طاقة إيجابية لقدرتهم على مواصلة رحلة الثانوية العامة.

نسر “حسني” عبر حسابه الرسمي على موقع تبادل الصور والفيديوهات “إنستجرام”، مقطع الفيديو والذي هو عبارة عن مشاهد لطلاب ثانوية عامة يصيبهم الإحباط والملل من المذاكرة ولكن كلمات تامر حسني في بعض الفيديوهات تحفزهم، كما يظهر بعض المعلمين وهم يستخدمون مقاطع من أغاني تامر حسني لتحفيز الطلاب، وفي النهاية يوجه الطلاب رسالة لتامر يعبرون له فيها عن حبهم.

نرشح لك: تامر حسني يدعم المواهب الشابة من الملحنين

علق تامر، وكتب: “طلاب وأساتذة الثانوية العامة الإسكندرية.. مش عارف أقول لكم قد إيه فرحت بكلامكم وباللي شوفته في الفيديو من محبة صادقة وتأثير صادق وحقيقي بينا.. شكراً لكل طالب حس كلمة إيجابية مني وأثرت فيه سواء في كلامي أو أفلامي أو أغانيا.. شكراً لكل مدرس حط رسايلي الصادقة ليكم في عين الاعتبار وخاطبكم بها”.

أضاف: “حمداً لله أن علاقتنا مش مجرد فنان وجمهور لا دي أكبر من كدا بكتير ودي العلاقة اللي حلمت بيها من صغري، بقدر الإمكان بخرج لكم من رحلتي كل ماهو إيجابي ليكم من نصيحة أخ إلى كلمة تحفيزية واللي جاي مني ليكم أكتر وأحلى بإذن الله وواثق أنه هيوصل قلوبكم عشان زي ما قولتلكوا زمان اللي بيطلع من القلب بيوصل للقلب”.

واصل: “شكراً شكراً طلاب إسكندرية وشعب إسكندرية العظيم شكراً شباب مصر أم الدنيا يارب كلكم ناجحين واللي عنده خطأ يصلحه الحياة لسه قدامكم والوقت لسه في إيدكم أي صعب هيعدي وبكرة تنجحوا وتبقوا أصحاب قصص حياة جميلة كل واحد فيكم لازم يبقى بطل في قصة حياته عشان كدا متزعلوش من أي صعب وأي أخطاء وأي فشل في أي اتجاه”.

استطرد: “الحياة رحلة ومشوار طويل مش موقف ولا موقفين، والحل الوحيد إننا ننجح ونعتمد على نفسنا وتتعلموا أنكم متسندوش على أشخاص عشان لو مشيوا متقعوش اسندوا على أولاً إيمانكوا بربنا دا أهم وأقوى سند تاني حاجة اسندوا على حلمكم ومجهودكم ونجاحكم اسندوا على قوتكم أنتوا وهقولها لكم تاني إحنا في زمن صعب لو احتاجت إيد تسندك وتدفيك أمسك أيدك التانية برغم أن في كتير طيبين بس الحياة تلاهي واللي سندك مرة مش هيسندك التانية”.

أردف: “جه دوركوا أنكم تفرحوا أهاليكم وتكونوا أنتوا سندهم عشان لما بيكبروا هما اللي قلوبهم بتتحول قلوب أطفال وبتحتاج رعاية منكم أنتوا، بيبقوا محتاجين أنكم تردوا لهم اللي عملوه معاكم وأنتوا صغيرين، معلش طولت عليكم وعارف أن من سمات العصر أنكم مش بتحبوا تقروا الكلام الكتير بس أنا عارف كلامي رايح لمين رايح للّي محتاجينه ومستنيينه فهيقرأوه كويس جداً، عشان من كل قلبي لحبايب قلبي وإن شاء الله هشوفكوا قريب بالتوفيق يا أمل مصر”.

 

View this post on Instagram

 

A post shared by Tamer Hosny (@tamerhosny)

أنت تستخدم إضافة Adblock

برجاء دعمنا عن طريق تعطيل إضافة Adblock