كلمات أغنية "خطافة الرجالة" لـ آيتن عامر

طرحت الفنانة أيتن عامر، أغنيتها الجديدة “خطافة الرجالة” عبر قناتها الرسمية على موقع الفيديوهات “يوتيوب“.

أغنية “خطافة الرجالة” من كلمات أحمد علاء الدين وألحان Niis، وتوزيع زووم.

نرشح لك: استمع.. أغنية “خطافة الرجالة” لـ آيتن عامر

وفيما يلي كلمات الأغنية:

عاملة love على صورته
وأنا حبيبته ومش هقف أتفرج
وأنا هقفش جامد ده البارد عمال بيهرج
يا نهار أبيض كده مش فايت
أنا قلبي مولع نار شايط
بقى بيني وبينها أنا طار بايت دي متعرفنيش

ودي قلة ذوق كده مش طالبة بزيادة لطافه
دي عميت في عينيها العيب فيها ولا أنا شفافة
أنا موتي وسمي اللي قافلني
بتبص في وشي وتحضني
ومن ضهري بتلعب وتخوني
وكله على مفيش

خطافة الرجالة حرصوا منها
تلعب على مين لأ ده بعينها
اللى تقربله الله يعينها
مش هسكت ولا هقف أتفرج
خطافة الرجالة حرصوا منها
تلعب على مين لا ده بعينها
اللى تقربله الله يعينها
جمهوري كبير يملى مدرج

ولا عاش ولا كان اللي يقرب من حد بحبه
ده أنا أصلي قعدت أما دخلت وربعت في قلبه
دورها في حياته يدوب مشهد
وأنا بطلة فيلمه الناس تشهد
ومكنتش أحبها تتعقد
بس أعمل إيه

عينك يدب فيها رصاصة رايحة جاية عليه
زى ما بيقولوا عينيها فيه وتقول hahaha
عمالة تلفي وبتحاولي وتقولي لا ذوقي ولا ستايلي
وأتاريكي عمالة تتحايلي علشان تشوفيه

في سياق آخر، كانت آيتن عامر قد شاركت في مسلسل “مكتوب عليا” في رمضان 2022. بجانب أكرم حسني وعمرو عبد الجليل وهنادي مهنى، ومحمد طعيمة، أسامة عبد الله، ولأول مرة هلا رشدي ‏ممثلة بعيدا عن الغناء، كما يشارك أيضا في البطولة الفنانتان حنان سليمان، وعزة ‏لبيب.‏