تعليق ليلى أحمد زاهر على انتهاء عرض "في بيتنا روبوت 2"
علقت الفنانة ليلى أحمد زاهر على انتهاء عرض مسلسل في بيتنا روبوت 2، والذي لعبت بطولته أمام الفنان هشام جمال وعرض خلال رمضان 2022.
كتبت “زاهر” على حسابها عبر موقع إنستجرام: “بما إن النهاردة كانت أخر حلقة من مسلسل في بيتنا روبوت كنت عايزة أشكر كل واحد تعب في المسلسل دة و حاول يبذل كل جهده عشان المسلسل دة يطلع حلو و يعجبكم و أولهم طبعًا اخويا و صديقي الي بحبه و بحترمه و بثق فيه جدًا هشام جمال الي بيفاجئنا و بيفاجئ كل الناس بأفكاره المبتكرة و موهبته شكرًا علي كل حاجة يا هشام”.
نرشح لك: “كنت متوقع الناس تكرهني”.. تفاصيل مشاركة إياد أمين في “في بيتنا روبوت 2”
تابعت: “و طبعًا مؤلفنا الموهوب قوي الي مفيش ألذ منه ولا أخف من دمه عمرو وهبه الي بجد تعب قوي في المسلسل دة بس كتب أحلي و ألذ ورق في الدنيا ما شاء الله شكرًا يا عمور علي الورق الحلو دة و المشاهد الذيذة قوي ما شاء الله أما بقي أختي و حبيبتي شيماء سيف فا بجد شكرًا قوي علي كل حاجة علمتيهالي و عمري ما انسي انك مسيبتينيش لحظة في التصوير و شكرًا علي دعمك و حبك ليا يا شوشو”.
اختتمت تعليقها قائلة: “اخر شخص قررت أختم بيه عشان يبقي ختامها مسك زي ما بيقولوا.. هو مخرج المسلسل المحترم استاذ اسامة عرابي شكرًا يا استاذ اسامة علي تعبك معانا في المسلسل و علي توجيهاتك الي اتعلمت منها كتير شكراً من كل قلبي و شكرًا لكل الكرو و الكاست و آسفه لو كنت نسيت حد بس بحبكم كلكم والله و هتوحشوني جدًا جدًا”.
View this post on Instagram
مسلسل في بيتنا روبوت 2 بطولة هشام جمال، شيماء سيف، عمرو وهبة، ليلى زاهر، دنيا ماهر، محمد أوتاكا، طه دسوقى، مى دياب، وعدد من ضيوف الشرف منهم شيرى عادل والعمل فكرة أحمد محيي وأحمد المحمدي وسيناريو وحوار عمرو وهبة وإخراج أسامة عرابي.