نجوى فؤاد: ندمانة أني مكونتش أسرة

نجوى فؤاد
محمد هيثم

قالت الفنانة نجوى فؤاد، إنها نادمة على عدم تكوينها لأسرة، لافتة إلى أن الوحدة جعلتها تشعر أن الأولاد مهمين، موضحة أن السبب في غيابها الفترة الأخيرة هو تعرضها لانزلاق غضروفي.

تابعت “فؤاد” خلال لقائها في برنامج “ضرب نار” مع الإعلامية داليا فؤاد المذاع على قناة “القاهرة والناس”، أن طريقة معاملة الأولاد لآبائهم غير جيدة ولا تعجبها، لافتة: “عندي بنت أنا متبنياها هي بنت ناس قرايبنا ووالديها توفوا في حادثة واتجوزت وخلفت”.

نرشح لك: هالة سرحان: “معرفش حاجة عن شغل ابني”

 

أضافت: “كان نفسي أعمل أسرة وندمانة دلوقتي الوحدة بتقتلني، وبتتعبني أوي أوي، يعني في رمضان ده صحابي والناس اللي قريبين مني بييجوا يفطروا معايا”.

أما عن سبب اختفائها في الفترة الأخيرة قالت “فؤاد”: “أنا كنت مريضة سنتين جالي انزلاق خضروفي، وعملت عملية في رجلي وبعدين جت الكورونا، وبتعلاج علاج طبيعي عشان مفيش عمليات، العصب ضارب في فقرات الضهر الرابعة والخامسة”.

 

وفي نفس السياق كانت الفنانة نجوى فؤاد، قد قالت إنها شعرت بالندم على دخولها الوسط الفني خلال السنوات الأخيرة، مضيفة أنها ندمت لرفضها الإنجاب، مشيرة إلى أنها انفصلت عن الملحن أحمد فؤاد حسن بسبب ذلك.

 

أوضحت “فؤاد” خلال برنامج “كلام الناس” المذاع عبر شاشة “mbc مصر” وتقدمه الإعلامية ياسمين عز، اليوم السبت: “السنوات الأخيرة ندمت إني دخلت الوسط الفني”.

تابعت: “ندمت إني ما أنجبتش، وندمت إني ضحيت بدراستي وأهلي في إسكندرية وجيت هنا وعيشت في أوضة لمدة 3 أو 4 سنين لغاية ما طلع لي مستخرج رسمي وقدرت اتجوز أحمد فؤاد حسن ووقفني على أرض صلبة مع أنه أكبر مني بـ 25 سنة”.

أردفت: “والست اللي ربتني قالتلي ده هتحسي بالضعف ده، لما طلب إنجاب قولتله لا، مكنش عندنا الأدوات زي تكميم معدة والشفط والرياضة والجيم، مفيش ستات عندنا تروح جيم، فقولت لا ده أنا لو جبتلك عيال أنا هقعد في البيت، أنت قولتلي أنا هنجمك، رفضت أخلف دلوقتي ندمانة يعني، ساعتها قالي والدته عايزة أحفاد وانفصلنا”.