حمو بيكا عن ارتداء الذهب: بعشقه
نفى مؤدي المهرجانات حمو بيكا، تمثيله في الفيديوهات التي ينشرها على مواقع التواصل الاجتماعي من أجل تصدر الترند.
قال “بيكا” خلال حلوله ضيفا على برنامج “حبر سري“، مع أسما إبراهيم، المذاع عبر شاشة “القاهرة والناس”: “مش بعمل فيديوهات عشان الترند وهما بيغفلوني ويصوروا فيديوهات للترند، والناس مش بتاجر بيا وأنا كنت ببقى عادي وببقى سعيد لما بيطلع فيديو والناس تضحك”.
نرشح لك: حمو بيكا عن مرضه: “برجع دم ومش معايا تمن الحقنة”
أوضح أن التمثيل والطرب قائم على “الهزار” والتلقائية، مضيفا: “التمثيل كله ضحك وهزار والأغاني بتاعتنا دي وإحنا بنعملها بيبقى فيها تمثيل وإفيهات ولكن لا يتم تصويرها”.
وعن تكرار تصريحاته بشأن تعرضه للإفلاس، وعلى الرغم من ذلك يرتدي ذهب، رد قائلا: “مش معنى إني أفلس إني أمشي بهدوم مقطعة في الشارع أو مش ألاقي آكل.. وبالنسبة للدهب أنا بحب الدهب وبعشقه”.
تحدث مؤدي المهرجانات حمو بيكا، عن تفاصيل مرضه الذي أثار الجدل خلال الفترة الماضية.
قال “بيكا”: “المرض بتاعي مناعي بمعنى أن الجهاز المناعي المفروض بيهاجم أي بكتيريا ضارة.. والجهاز المناعي جاله خلل وبالتالي بيهاجم أي حاجة في أجهزة جسمي، وطول ما هو بيهاجمها أنا بتعب.. ممكن برجع دم”.
أضاف: “بيحصل لي مشاكل في معدتي كبيرة وبأخذ إبره اللي هي بتعلم تهدئة لجهازي المناعي.. وخدت الإبرة دي أول مرة بـ120 الف، وكل شهرين المفروض بأخذ إبره تمنها 20 الف”.
تابع: “لما جت كورونا خفت أخذ الحقنة عشان مش هيبقى في مناعة في جسمي.. فأي حاجة ممكن ألقطها”.
أردف: “والمرض ده جالي بعد الشهرة وممنوع أكل حاجات كتير وعايش على المكرونة وشوربة الخضار ولسان العصفور والميه نفسها مش بشربها.. والناس اللي بتتريق عليا كتير ومحدش فاهم حاجة وبيقولوا بطنك كبيرة ليه.. وبطني ده أصلا مرض.. وأنا موقف الإبرة لأني كنت باخدها وأنا شغال كان معايا تمنها/ ودلوقتي مش معايا أخد الإبره.. وأنا بخاف أخدها يجرالي حاجة”.