حسام داغر يطمئن الجمهور: خرجت من المستشفى
طمأن الفنان حسام داغر الجمهور على حالته الصحية، بعد مروره مؤخرا بأزمة صحية نقل على إثرها إلى المستشفى.
كتب داغر على حسابه عبر موقع فيس بوك: ” الحمدلله خرجت من المستشفي رجعت البيت بقيت احسن الحمدلله طلبوا مني متابعة الضغط و اقيسه كذا يوم لتحديد السبب بشكر كل صحابي الي جم المستشفي اطمنوا عليا عامر و حمزه العيلي و وحيد و ابراهيم نور و امنيه و امير الحديدي و عبد الوهاب و اختي سهي و ريهام و كل الي قلقتهم اخواتي محمد و نهي و احمد و دكتور احمد سمير و علي و كل الي اتصل بيا و ردوا عليه و كل الي كتبولي و اطمنوا عليا و دعولي”.
نرشح لك: حسام داغر يعاتب صناع مسلسل “اللعبة 3”
أردف: “دعواتكم هي الي خلتني احسن انا بس موضوع الضغط ده جديد عليا و شكلي كده دخلت نادي بتاعه علي راي سما ابراهيم صديقتي بشكرك و بشكر كل الي اطمنوا عليا و كتبولي لو اقدر هشكر واحد واحد بس دكتور طلب مني الراحة يومين و الابتعاد عن الموبيل و التوتر و تنظيم الاكل و اشرب ميه كتير لاني فعلا كنت مهمل فيها جدا .. خلوا بالكم من نفسكم و يا رب متشوفوش وحش ابداً فيكم او في حبايبكم”.
من جهة أخرى، كان قد عاتب الفنان حسام داغر، صناع مسلسل “اللعبة 3” الذي يعرض حاليا على منصة “شاهد”.
كتب “داغر” عبر حسابه الشخصي على موقع “إنستجرام” الآتي: “أنا بحب شيكو جداً.. وبحب كاست اللعبة كله بشكل عام، بس أنا مش مبسوط من دور رجب معاهم الجزء ده، بسبب إنه كان امتداد لدوره في الجزء التاني ووافقت على الجزء الجديد على كلام ووعد من المجموعة إن دور رجب مكمل بسبب النجاح اللي حققته الشخصية قبل كده ولأني ملتزم أدبيا بالشخصية إني أكملها معاهم وأنا صدقت كلامهم ودخلت التصوير على الأساس ده وكان معانا عدد حلقات قليل”.