خبر

مصطفى مدبولي يحذر من البناء على الأراضي الزراعية: مش هنلاقي ناكل!

حذر الدكتور مصطفى مدبولي رئيس الوزراء، من استمرار مشكلة البناء على الأراضي الزراعية.

قال “مدبولي” خلال مؤتمر صحفي اليوم: “يحزننا مع الجهد الهائل في استصلاح الأراضي الزراعية ودفع مبالغ طائلة في معالجة وتوصيل المياه واستثمار عشرات المليارات في إعادة تدوير المياه.. ونفاجا باستمرار ظاهرة التعدي على الأرض الزراعية”.

نرشح لك: مسؤول بشعبة المستوردين: قرار الاعتمادات المستندية سيرفع الأسعار محليًا

تابع: “بالعقل بستثمر علشان فدان ينتج، وإحنا عندنا أرض بقالها آلاف السنين وكل مواطن يقول هي هتيجي على القيراطين بتوعي، أيوة، لأن مش بيحصل من واحد بيحصل من آلاف ودي قضية أمن قومي، لازم نتحرك ولازم يكون يد قوية جدا من الدولة وعقاب شديد على التعدي على الأراضي الزراعية لأنه يجرم في حق الوطن والأجيال المستقبلية كلها، البديل لو الأراضي كلها ضاعت إحنا مش هنلاقى ناكل، كل مواطن هيقول هي الحتة بتاعتي دي هتفرق معاكم؟ أيوه هتفرق معانا”.

أضاف: “إعداد قانون للتجريم الكامل على الأراضي الزراعية ومصادرة المخالفة علشان المواطن ميستفدش بيها على الاطلاق، الدولة لوحدها مش هتقدر تتوقف ويجب أن يكون تشاركيا مع المواطن، هنقعد نجري ورا المواطن علشان نمنع عملية البناء لو مفيش وعي أن الموضوع ده هيضرنا بكره وبعده الموضوع هيفضل لا نهائي.. اللي بيحصل الناس بتنبيني في يومين تلاتة، وبيبقى في قلب الأرض الزراعية علشان محدش ياخد باله الموضوع مش سبق أنا كدولة يحصل نوع من الصدام بين السلطة التنفيذية والمواطن في الهدم طيب ليه من البداية؟ دي جريمة في حق ولادنا”.

البناء على الأراضي الزراعية

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock