خبر

“لا تُشبه طموحي”.. أسباب اعتذار نشوى مصطفى عن الأعمال الفنية

سالي فراج

عبرت الفنانة نشوى مصطفى عن اشتياقها للعودة إلى تقديم أعمال فنية تشعر فيها بالرضا الفني، مشيرة إلى أنها تعتذر عن بعض الأعمال الفنية لأنها لا تُرضي رغبتها، وما تريد تقديمه.

كتبت “مصطفى” عبر حسابها على موقع التواصل الاجتماعي “فيس بوك”: “بقالي فترة طويلة مش بشتغل التمثيل اللي أتمناه، اللي هو طموحي، واللي هو أنا لحد اللحظة دي ممثلتش طموحي، ولا حتى شبه طموحي، إلا فى شوية أعمال يتعدوا على الصوابع ومنهم مثلا المسرحية اللي كتبتها على مقاس أحلامي فى التمثيل (سيلفي مع الموت)، ولأن الكلام ده كان من أربع سنين فالتمثيل وحشني أوي”.

نرشح لك: أصالة تحكي قصة زواجها بـ فائق حسن

أضافت: “وكنت فاكرة إن أي شغل هيجي لي هوافق على طول، لقيت نفسي بيتعرض عليا أدوار بأقراها وأعتذر، وبعد ما أعتذر أقعد فترة مكتئبة، وألوم نفسي، طيب ليه اعتذرت، فنفسي ترد تقولي: ماهو إنتي محستيش إنك حابة اللي قريتيه يومين تلاتة وأنسى”.

تابعت: “أول إمبارح إتعرض عليا شغل، والحقيقة النهارده اعتذرت، وكلمت الأستاذ المخرج المحترم الراقي، وقلت له أسباب اعتذاري، وكان رده كنت متأكد إنك مش هتوافقي، وبأحترمك جدا، لأنك رفضتي، لأن كان فيه رهان، حد قال أنك هتوافقي لأن بقالك كتير بعيد، وأنا قلت له غالبا هتعتذر، رغم أن مساحة الدور كويسة، قلت له يا أستاذ مثلاً الزميل العزيز ماجد الكدواني عمل مشهد واحد في مسلسل عظيم اسمه (تحت السيطرة)، والحقيقة مفيش حد يقدر ينسى العظمة اللي عملها رغم أنه مشهد واحد الموضوع مش مساحة، المهم اعتذرت وخلاص ولقيت نفسي بعدها مش مبسوطة”.

اختتمت: “كلمت ربنا وقلت له يارب أنا مش فاهماني وحضرتك اللي خلقتني، وعارف نقط ضعفي، وطلبت منه يفهمني، ويرضيني بالمقدر ليا، وسبحان الله بفتح (الفيسبوك) لقيت بوست مكتوب فيه من يترك كل أمره في يد الله سيجد يد الله في كل شيء يخصه، وعلى طول غمضت عيني، وابتسمت لأن حسيت أن ده رد ربنا سبحانه عليا، وبعدها قعدت أردد (اللهم إني أسلمت لك نفسي، ووكلتك أمري، فأنت حسبي ووكيلي، وصلى الله على سيدنا محمداً النور وأهله)”.

أنت تستخدم إضافة Adblock

برجاء دعمنا عن طريق تعطيل إضافة Adblock