هنا الزاهد تعتذر للفتيات بسبب مسلسل "أنا وهي"

ردت الفنانة هنا الزاهد على الانتقادات التي وجهت لها بسبب أحد مشاهد مسلسلها الجديد “أنا وهي”، والذي اعتبره البعض ترويجا وتبريرا للتحرش، حيث تظهر خلاله وهي تتباهى أمام طبيبها النفسي بتعرضها لمعاكسات كثيرة في الشارع.

أكدت هنا عبر حسابها على تويتر أنها لا تقبل التحرش بالطبع، ولا تروج له، وأنه من المعروف مدى تضامنها مع النساء في هذا الأمر، لأنها مثلهن وتعرضت له في الواقع، وأخذت حقها بالقانون، كاتبة: “أنا عمري ما اسمح إني أهزر في التحرش. أولا أنا في الحقيقة أكيد عارفين واقعة الأتوبيس وإني روحت الأقسام وارتحت نفسيا لما خدت حقي. المسلسل ده بيتكلم على اتنين مرضى نفسيين، الشخصية دي دائما بتقول للدكتور النفسي بتاعها إن مفيش حد هيبصلي بسببب سلوكي العدواني وهنا الشخصية بتكذب وهو عارف”.

نرشح لك: سبب ابتعاد بشرى عن الغناء

تابعت: “لو شوفتوا البرومو في واحد تحرش بيها لفظيا وهو على الموتسيكل ومسبتش حقها وردت وبهدلته واللي بيتفرج عارف إن الشخصية دي مبتسبش حقها اصلا. ياريت قبل ما نهاجم نتفرج ما نخدش جملة ونقول ليه قالت كده عشان أنا مقدرش أهزر في حاجة زي كده لأني عانيت منها زي بنات كتير!”.

‏‎أضافت هنا: “الدكتور بينزل لمستوى فكرها المحدود وسالها لأن في المشهد اللي قبليه بتقوله الناس مستنيني أنزل من البيت يلمحوني بس لأن العرسان واقفة طوابير. محدش طبيعي هيتبسط لما يتعاكس بس دي شخصية مريضة نفسيا ولما اتحطت في مشهد معاكسة في حلقات قدام مسكتتش وخدت حقها عكس ما بتقول”.

في نهاية تعليقها، اعتذرت هنا الزاهد للفتيات حال انزعاجهن من المشهد، مؤكدة أن الزمن أصبح مختلفا وسيئا الآن مقارنة بالماضي، مضيفة: “هو فعلا لو كنا في زمن تاني كان هيبقى عادي ومفيش حاجة. أيام الأبيض والأسود في الأفلام كان في معاكسات اللي مش بتخدش وتجرح البنت. بس العيب في الزمن اللي إحنا فيه. بعتذر لأي بنت ممكن تكون اتضايقت”.

مسلسل “أنا وهي” من تأليف مصطفى حمدي وإخراج سامح عبد العزيز، وبطولة أحمد حاتم، أشرف عبد الباقي، ميرهان حسين، عارفة عبد الرسول، محمد ثروت، محسن منصور، محمود البزاوى، سلوى محمد علي، ندا عادل، محمد الصاوي.