السيدات يستقبلن الرئيس بالزغاريد خلال الاحتفال بعيد الميلاد المجيد
استقبلت السيدات في كاتدرائية ميلاد المسيح بالعاصمة الإدارية الجديدة، خلال الاحتفال بعيد الميلاد المجيد، الرئيس عبد الفتاح السيسي بالزغاريد، خلال تهنئته لهم بالعيد.
قال الرئيس خلال كلمته: “كل سنة وأنتوا طيبين.. وإن شاء الله سنة جميلة وطيبة علينا كلنا.. خير وأمان وسلام ورحمة من الله علينا كلنا”.
تابع: “بكلم كل المصريين إحنا في مصر بدأنا طريق عاهدنا فيه ربنا وعاهدناكم بدأنا مع بعض وهنكمله مع بعض كلنا.. طريق الجمهورية الجديدة يتسع لينا كلنا بدون فرق أو تمييز اوعوا حد يدخل بينا أو يفتنا لأن دا مش هينتهي وكل ما هنكمل هننجح.. ربنا يعيني أكون خادم شريف أمين للبلد دي.. البلد بلدنا كلنا تسعنا كلنا وربنا اللي بيحمي وإحنا في بيت من بيوت ربنا واللي بيحمي البلد دي ربنا ندعوه ونتوسل إليه إنه يحمينا”.
أضاف: “الجمهورية الجديدة دي جمهورية الحلم والأمل.. العلم.. القادرة وليست الغاشمة المسالمة وليست المستسلمة.. هنبنيها مع بعض، أي تحدي وأي صعاب تهون لو إحنا كلنا على قلب رجل واحد وكلنا مع بعض”.
اختتم: “متعرفوش حجم التقدير والمحبة اللي بكنه لقداسة البابا تواضروس.. خلي بالكم الرجال بتتوزن بالمواقف والظروف الصعبة جدا.. قداسة البابا خلوا بالكم منه”.
