سمية الخشاب عن حمو بيكا: "لو مثل هينجح جدا"
قالت الفنانة سمية الخشاب، إنها تساند فكرة الرقي في اختيار كلمات الأغاني وخاصة كلمات أغاني المهرجانات، وهو ما ينادي به نقيب الموسيقيين الفنان هاني شاكر.
تابعت “الخشاب” خلال لقائها مع برنامج “كلام الناس” مع ياسمين عز، عبر شاشة “mbc مصر”: “نقيبنا الفنان هاني شاكر دايما بيدور على الرقي، وأنا مع الكلمة الحلوة طالما الناس بيحبونا وبيتأثروا بينا والمهرجانات الموسيقى بتاعتها راقصة.. يبقى أختار الكلمة الحلوة وأبقى ذكي وأضرب عصفورين بحجر، عشان ما أعلمش الولاد يقولوا كلام مبتذل أو أربط المهرجانات بالكلام الوحش.. وأستاذ هاني متسامح جدا وقلبه كبير”.
نرشح لك: سمية الخشاب عن طليقة أحمد الفيشاوي: “كنت خايفة عليها”
أضافت: “أنا قابلت حمو بيكا وأنا بصور مع عمر كمال الأغنية، وكان لذيذ أوي وشكله في الطبيعة baby face جدا وطيب وعفوي وعنده حضور، لو مثل بجد هينجح جدا.. بس أنا بديله نصيحة من أخت، إنه بس محتاج يكمل تعليمه وده مش عيب ولا نقطة ضعف، إن شالله تروح كتاب بس لازم تتعلم”.
أردفت: “قول للناس أنا قوي وموهوب ومثقف وبعرف أقرأ، طالما لسة المستقبل قدامك اتعلم وطور من نفسك”.
سمية الخشاب: ليه ما نعملش مهرجانات بكلمات راقية وحمو بيكو لازم يكمل تعليمه
حمل شاهد واتفرج ببلاش :https://t.co/xFyyETzx5L#كلام_الناس#MBCMASR pic.twitter.com/adKImUR5tD
— MBC مصر (@mbcmasr) January 1, 2022
يشار إلى أن سمية الخشاب، كانت قد شاركت في الموسم الرمضاني الماضي من خلال مسلسل “موسى”.
مسلسل “موسى” من بطولة محمد رمضان، وسيد رجب، وعبير صبري، ورياض الخولي، وهبة مجدي، وتارا عماد، وصبري فواز، وحمدي الوزير، ومنذر رياحنة، وفريدة سيف النصر، وآخرين، وهو من تأليف ناصر عبد الرحمن، ومن إخراج محمد سلامة، وإنتاج شركة سينرجي.