سمية الخشاب: نسبة كبيرة من الرجال تخون إلا من رحم ربي

تحدثت الفنانة سمية الخشاب، عن خيانة الرجال للنساء خاصة الأزواج، وقدمت بعض ملاحظاتها لمتابعيها عبر موقع التدوينات القصيرة “تويتر”.

كتبت “الخشاب” عبر حسابها: “لو اتخانتي مرة وعديتيها يبقى تستاهلي تتخاني مليون مرة.. مش عارفة ليه كتير من الستات بيبقوا فاكرين نفسهم أذكياء وبيمسكوا موبايلات جوازهم وقال يعني معاهم الباسوورد يعني كده هو مبيلعبش بديله، حبيبتي لو مسكتي عليه حاجه في 50 حاجه تانية مش هتعرفيلها طريق”

نرشح لك: سمية الخشاب: الزواج يحتل المرتبة 420 في أولوياتي

أضافت: “يعني نسبة كبيرة من الرجالة بيخونوا إلا من رحم ربي، والمشكلة بيبقوا معاهم ستات أحلى من اللي بيخونوهم معاها.. المهم الشطارة بقى مش أنك تقفشيه بيخونك، الشطارة فإنك تخليه يسيب الـtrash bag التانية ويعرف قيمتك ويرجعلك، أهم حاجة متاخدوش هي يرجعلك أنتي وتبقي هي مجرد فترة كده ومع السلامة”.

أردفت: “مفيش ست تستاهل الخيانة، لو هي مقصرة يطلقها ويشوف غيرها لكن تبقي فالبيت زي الهبلة وهو عايش حياته برا ويرجع يلاقيها زي الجارية مستنياه ده هو اللي يستاهل كل حاجة مش كويسة”.

يشار إلى أن سمية الخشاب، كانت قد شاركت في الموسم الرمضاني الماضي من خلال مسلسل “موسى”.
مسلسل “موسى” من بطولة محمد رمضان، وسيد رجب، وعبير صبري، ورياض الخولي، وهبة مجدي، وتارا عماد، وصبري فواز، وحمدي الوزير، ومنذر رياحنة، وفريدة سيف النصر، وآخرين، وهو من تأليف ناصر عبد الرحمن، ومن إخراج محمد سلامة، وإنتاج شركة سينرجي.