رئيس الوزراء: هدفنا هيكلة منظومة الدعم لتحديد الفئات المستحقة

منظومة الدعم
قال الدكتور مصطفى مدبولي، رئيس مجلس الوزراء، إن الحكومة ليست منفصلة عن الشعب، مضيفا: “إحنا الاتنين واحد وكلنا موجودين في بوتقة واحدة”

أضاف “مدبولي” في مؤتمر صحفي بالعاصمة الإدارية: “إحنا بنحاول كل الجهد الممكن علشان نكبر مواردنا ونزيدها، لكن أنا عندي زيادة سكانية، بندخل في متاهة، لو الزيادة السكانية ثبتت لمدة ١٠ سنوات هيبقى الوضع مختلف”.

نرشح لك: إطلاق كتاب لتوثيق المشروعات القومية

تابع: “إحنا محتاجين نراجع منظومة الدعم بشكل كامل، فيه أعداد بتاخد هذا الدعم وهي لا تستحقه، وبالتالي كل هدفنا إننا نعيد هيكلة هذه المنظومة ونحدد مين الفئات المستحقة، وتبقى الأرقام محددة ومعروفة وفقا لقدرات الدولة، لأن أي رقم هيتوفر هيتعمل بيه مشروعات وتنمية”.

واصل: “أهم حاجة بالنسبة لي كدولة نوفر السلع الأساسية التي يعتمد عليها المواطن في حياته اليومية وبنحاول بقدر الإمكان يكون المعروض والاحتياطات يكفي احتياجات المواطنين لفترات زمنية كبيرة وده كان توجيه سيادة الريس أن لا تقل الاحتياطات عن 5 أو 6 أشهر من السلع الرئيسية وحققنا ده في وقت قليل”.

تابع: “النهاردة بنشوف دول كبيرة مواطنيها مش لاقيين اللبن والسكر وغيره وكانوا بيقفوا طوابير علشان ياخدوا زجاجة لبن، لكن الحمد لله هذه الحكومة بتوجيهات الريس مخلتش المواطن يحس بأزمة في عز كورونا والتحديات الموجودة”.

أوضح: “فيه أسعار زادت غصب عننا كلنا، فيه أسعار بتزيد تكاليف شحن، السلع نفسها أرقامها بتزيد، فأنا كل اللي بقدر اعمله إني أأمن احتياطاتي ولكن فيه حاجات طبيعي جدا هيحصل فيها نوع من التعامل مع الزيادة في الأسعار، ده طبيعي لأن السعر بيزيد، يعني أنا كدولة فيه سلع مش داخلة في منظومة الدعم ولا التموين، طيب السلع دي سواء بتيجي من برة أو المواد الخام اللي داخلة في الموضوع فطبيعي جدا يحصل زيادة”.