عمرو أديب عن برودة الطقس: إسكندرية بقت زي موسكو

قال الإعلامي عمرو أديب إن المناخ في العالم في الفترة الحالية قد شهد تغيرا، مضيفا: “نحن نتحدث عن عالم آخر”.

أوضح أديب خلال حلقة الإثنين من برنامج الحكاية عبر MBC مصر، أنه على الجميع إدراك هذا التغير في المناخ في مصر والعالم كله، مردفا: “لما تشوف إن إسكندرية بقت زي موسكو تعرف إن المناخ تغير”، لافتا إلى أن هذا التغير في المناخ يتبعه ظهور فيروسات وأمراض جديدة، مبديا دهشته من تساقط الثلوج أمس الاثنين على الإسكندرية.

نرشح لك:قدم نصائح لراغبي احتراف المونتاج.. هيثم كرم: فيلم “ريتسا” كان حالة مستقلة

تابع: “لما نلاقي التلج في مصر في إسكندرية والأمطار اللي حصلت في القاهرة! هنا مش محتاجين خبير بيئة ولا خبير أرصاد عشان نعرف إن المناخ اتغير”.

قال إن مصر دائما صديقة المناخ، لكن وجود الثلوج وسقوط أمطار وسيول وارتفاع الأمواج هذا شيء جديد.

تابع: “الواقع اللي بنواجهه، مناخ قاسي وبيئة متوحشة، شيء لم نعهده من قبل، مصر لا تعرف المناخ المتوحش، مصر دائما صديقة المناخ، حبوبة المناخ، لذوذة المناخ، يعني المناخ يحب مصر ومصر تحب المناخ”.
أضاف أن هذا البرد الشديد، ووجود الثلوج وسقوط أمطار وسيول وارتفاع أمواج يصل إلى 5 أمتار هذا ما لم نعلمه من قبل، مردفا: “بشويش على المحافظات اللي بتواجه مناخ صعب”.

أوضح أن الأماكن المخصصة لصرف المياه غير مؤهلة وقديمة، موضحًا أنها غير مخصصة لصرف الأمطار ولكنها مخصصة للصرف الصحي فقط، ووجود الاثنين مع بعضهما يخلق مشكلة، فيضطر المسئول لفصل الكهرباء أو الماء.

أضاف: “واحد هيسألني يقولي يا عمرو ما هو في أوروبا بينزل أمطار كثيرة وبيسيبوا النور منور، أرجوك هو إحنا عندنا كام عمود نور متغطي، وهو مين اللي بيسرق غطيان المجاري والبلاعات، وهو مين اللي بياخد الكبلات، ومين اللي بيحفر الأرض وياخد الحاجات، عايزين نتكلم خلينا نتكلم، ظروفك مش أحسن شيء، لكن الدولة بتحاول تعمل اللي تقدر عليه”.