عادل الفار: "غنيت للممرضات بعد ما قومت من الغيبوبة"
ياسمين شهاب
أعلن الفنان عادل الفار، عن تماثله للشفاء بعد تعرضه لأزمة صحية مؤخرا، بسبب غيبوبة كبدية، نتج عنها مكوثه في العناية المركزة عدة أيام.
قال “الفار”: “معرفش لحد دلوقتي سبب الغيبوبة فجأة لقيت نفسي مش بجمع ولا كلمة والمدام بتاعتي بتكلمني مش عارف أرد عليها، وقولتهم مش عايز أروح المستشفى عشان بتعبكم معايا، أقوى إيفيه حصل بقى المدام لما روحت في غيبوبة وبتحسبني موت بتعيط وتقولي لا مش دلوقتي، واللي هو مش دلوقتي إيه هو بمزاجك”.
نرشح لك: إصابة عفاف مصطفى خلال تصوير مسلسل “فيلا 101”
أضاف: “قعدت يومين في الغيبوبة مش حاسس بالوقت.. وبعد كده فوقت وقعدت أهزر مع الممرضات وأعاكسهم وبغني ليهم كمان”.
تابع أنه كان سعيدا جدًا، عندما يرى أحد داخل المستشفى يتذكر أعماله الفنية بالأخص دوره في فيلم “فيلم هندي”، مردفًا: “كل ما حد يدخل عليا الأوضه يقولي الإيفيه بتاع الفيلم ايوا يا ماما ادعيلي يا ماما”.
كان الفنان قد شارك في رمضان 2020، بمسلسل “الفتوة” بطولة ياسر جلال ومي عمر ونجلاء بدر وأحمد صلاح حسني وأحمد خليل ورياض الخولي ومحمود حافظ وضياء عبد الخالق وأنعام سالوسة. إخراج حسين المنباوي وتأليف هاني سرحان.