القرموطي منتقدًا "ماسبيرو": يخربيت البيروقراطية اللي انتوا فيها - E3lam.Com
انفعل الإعلامي جابر القرموطي، بسبب عدم اهتمام التلفزيون الرسمي للدولة بنقل تداعيات حادث تفجير مبنى الأمن الوطني بشبرا الخيمة فور حدوثه فجر اليوم الخميس، واكتفاء التلفزيون المصري بنقل الخبر على شريط العواجل أسفل الشاشة فقط.
وأضاف “القرموطي” خلال حلقة اليوم، الخميس، من برنامجه “مانشيت” الذي يُعرض على قناة ONTV، منتقداً المسئولين بماسبيرو: “ان ماكنتش هتشتغل دلوقتي هتشتغل إمتى؟، ماينفعش أنا أطالب بتطوير ماسبيرو وهو مش عايز يطور نفسه”
وتابع: “وأنا بقلب في التلفزيون جبت قناة من القنوات الرسمية لاقيتها كاتبة انفجار في محيط محافظة القاهرة، مش في مبنى الأمن الوطني… صعب أوي يكون شغلكوا بوروروم.. حتى موجز الساعة 3 والساعة 4 جه وماشوفتش حاجة، الكاميرا فين؟، يخربيت البيروقراطية اللي انتوا فيها، يخربيت الروتين”
واستطرد: “احنا مابقناش فالحين غير اننا نقل كلمة لرئيس الجمهورية أو رئيس الوزراء، وبعض الزملاء زعلانين من اللي بقوله ده ، لكن اللي يزعل يزعل… خليكوا جوة التاريخ بلاش تخرجوا برة التاريخ، انتوا الأهم من أى قناة، انتوا الأساس…… لكن أقول إيه، مفيش فايدة”
كما أشاد “القرموطي” بمقال الزميل أنس هلال، بجريدة المقال، والذي حمل عنوان (ماسبيرو “النايم على نفسه” في تفجير شبرا الخيمة)، والذي انتقد فيه أيضاً تغطية التلفزيون المصري للحادث.