الأخيرة

موقف مؤثر لرشوان توفيق في جنازة إبراهيم يسري

ياسمين شهاب
رشوان توفيق
بعد أزمة الفنان رشوان توفيق مع ابنته، ورفعها قضية ضده بسبب الممتلكات لمنع تصرفه فيها، والتصريحات المضادة بينهما في وسائل الإعلام، كشف الفنان الصاعد محمد يسري موقفا مؤثرا للفنان القدير أثناء جنازة والده.

كتب “يسري” خلال حسابه الشخصي بموقع التواصل الاجتماعي “فيسبوك”: “أبويا الله يرحمه لما اتوفي أنا مكنتش فاهم حاجة خالص يمكن الناس اللي مرت بالموقف هي اللي هتبقي فاهمة أوي أنا قصدي إيه بس أنا مكنتش أنا والحقيقة إني مرجعتش أنا بس وقتها أنا مكنتش أنا فعلًا مكنتش مستوعب، مكنتش فاهم وكان ربنا هو اللي بيلهم جسمي أنه يتصرف ده كان احساسي وقتها وفي وسط التكفين والصلاة و الدفنة الواحد بيبقي بجد في حتة تانية خالص لدرجة أن في تفاصيل أنا بسمعها من ناس كانت معايا وقتها اكني بسمعها لأول مرة”.

نرشح لك: 8 ملاحظات لـ عباس أبو الحسن على أزمة رشوان توفيق وابنته

أضاف أنه لم يتذكر الكثير من التفاصيل ولكن كان هناك موقف واحد لم ينساه طوال حياته، موضحًا: “يوم دفنة أبويا الله يرحمه كانت الاستاذ الكبير رشوان توفيق، أبويا اتوفى في ٢٠١٥ و بالرغم من أني دائما حاسس أن ده كان من عمر بحاله لكن الحقيقة أن ٢٠١٥ دي من ٦ سنين و احنا مدافن العيلة في طريق الواحات يعني بكل المقاييس مشوار متخيل أنه أكيد قاسي ومتعب بالذات علي حد سنه كبير، لما كنت باخد العزا في المدافن فجأة لقيت الأستاذ رشوان توفيق داخل علينا و معاه حد جنبه بيساعده ف كلنا اتحركنا عليه عشان نجيبله كرسي ويقعد وهو مصمم أن هو يخش لأبويا و قعد يحضني و يطبطب عليا و يقولي ابراهيم ده ابنى و هو بيعيط و بيحكيلي عن أبويا و اد ايه هو بيحبه”.

تابع: “الحقيقة أن أنا للأسف مشفتش الأستاذ توفيق في حياتي غير ٤ مرات مثلًا منهم المرة دي، يعني مقدرش أقول أنه كان من أصدقاء أو أساتذة أبويا القريبين منه مثلًا، لكن ده كان إحساسه بيه و هو في الأخر في الحقيقة لا ابنه و لا قريبه حتى وربنا عالم قد إيه الموقف ده بالرغم من أنه ممكن ميبانش قد إيه تأثيره كبير لكن الحقيقة أنه حاجة من الحاجات اللي هفضل دائمًا شاكر ليها في الوقت ده لأني مؤمن أن ربنا طبطب على قلبي من خلال الراجل ده تخيلوا رجل زي ده عامل إزاي مع عيلته ربنا يكرمك و يحبب فيك خلقه و يديك طول العمر والصحة والستر يا أستاذ رشوان و تفضل معانا بفنك و بانسانيتك”.

رشوان توفيق

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock