الأخيرة

تفاصيل شخصية بيج رامي في المسلسل الرمضاني المنتظر

يارا سامي

كشف المنتج أحمد سمير، تفاصيل مسلسله الجديد مع رامي السبيعي، الشهير بـ مستر أولمبيا بيج رامي، والذي المقرر عرضه خلال موسم الدراما الرمضانية لعام 2022.

قال “سمير” خلال اتصال هاتفي لـ “Et بالعربي” مع الإعلامي ربيع هنيدي، إن العمل سيكون مميزا ومختلفا ليليق بنجم عالمي وبالجمهور أيضا.

نرشح لك: رسالة تامر أمين لمنتقدي قرار منع مطربي المهرجانات

وعن تفاصيل العمل قال: “تفاصيل العمل انتو عارفين بره بيحاولوا يصدروا لنا نماذج خارقة، لكن إحنا عندنا ده طبيعي في مصر وهنعمل أول سوبر هيرو مصري عربي هيذكرنا بالشخصيات العالمية زي سوبر مان”.

تابع: “واحنا للأسف في الوطن العربية مدخلناش للمنطقة دي وكانت متسابة جدا وللأسف هما بره بيستخدموا الشخصيات وبيمرنوا من خلالها افكار كتيرة جدا قد تكون مناسبة بالنسبالنا في الوطن العربي وقد تكون غير مناسبة”.

أكمل: “ولكن أنا شايف أن دلوقتي عندنا نجم عالمي وواصل لكل حتة ف الدنيا، وإن شاء الله كل سنة يبقي في مكان أفضل وإحنا في ضهره إلى أخر حته علشان نفضل محافظين عليه ونكبره لأن ده دورنا”.

ومن جانبه قال بيج رامي: “إحنا شايفين أن عرضه في رمضان هيكون مناسب جدا، لأننا هتكون مختلفين عن الفكرة المعروضة في السوق”.

وعن علاقة توجه للعمل الفني بسن كمال الأجسام قال: “كل نجم بياخد البيج بتاعه وبيرجع، وانا نفسي أكمل مع الناس لفترة طويلة فيمكن دا اللي خلاني لما اتعرض عليا حاجات ف الفن كنت مقبل جدا ومتحمس لأن ده بيفضل مع الناس فترة أطول”.

يعتبر المسلسل هو التجربة الأولى لـ”بيج رامي” في عالم الدراما، حيث كان من المقرر أن يشارك سابقا في فيلم “حملة فرعون”، عام 2019، وبعد تصوير عدد من المشاهد إلا اعتذر عن استكمال باقي مشاهده في الفيلم بسبب ارتباطه بمواعيد ضرورية في الخارج، بالإضافة إلى التزامه بتعاقدات تتطلب وجوده في أوقات محددة، وذلك وفقا لما أعلنه في تصريحات تليفزيونية سابقة.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock