هاني شاكر: المهرجانات معتمدة على الإسفاف

رد الفنان هاني شاكر، نقيب المهن الموسيقية، على إمكانية تأسيس شعبة لمطربي المهرجانات داخل النقابة مثل مطربي الراب.

قال “شاكر” خلال مداخلة هاتفية مع الدكتور معتز عبد الفتاح مقدم برنامج “تحت الشمس” عبر قناة “الشمس”: “الراب له شعبة في النقابة من زمان مش من دلوقتي خالص، ودلوقتي الولاد دول كتروا لأنه بقى موجة من الموجات الفنية اللي الشباب بيحبوها ومنتشرة، وأنا وزملائي في المجلس أن كل من ينجح في هذه الشعبة يمضي تعهد على الالتزام بكل ما يقوله أو يصوره، والمخالف يسحب منه التصريح”.

نرشح لك: هاني شاكر: الباب مفتوح مع مطربي المهرجانات اللي هيصلحوا من نفسهم

 

أضاف: “بالنسبة للمهرجانات، المهرجانات مشكلتها إنها معتمدة على الإسفاف والخروج عن المألوف وعدم الالتزام بالقيم والعادات والتقاليد، هما مش بيقولوا غير الكلام اللي يلفت النظر، هما مش معاهم لا فرقة ولا مزيكا ولا أي حاجة إلا الإيقاع والكلام الملفت للنظر، وللأسف الكلام دايما بيبقى خارج”.

تابع: “للأسف معظم بتوع المهرجانات فعلا مش بيعرفوا يغنوا ولا يؤدوا حتى، دول ملهمش علاقة بالغناء، هو الغناء بالعافية؟ أنا عايز أبقى دكتور هبقى دكتور بالعافية؟ عايز أبقى رسام هبقى رسام بالعافية؟ أكيد لأ”.

الرجل المصري المظلوم.. من يدافع عنه؟