إعلامية تحذر من إقحام المثلية في الأعمال العالمية

حذرت الإعلامية فريدة الخادم، من إقحام بعض المنصات العالمية والأفلام الشهيرة، مشاهد مثلية ضمن أحداث العمل دون مبرر، خاصة في ظل تأثير ذلك على الأطفال.

كتبت “الخادم” عبر حسابها على موقع التواصل الاجتماعي “فيس بوك”: “موضوع إن كل الأعمال والأفلام على المنصات اللي زي Netflix لازم يتم إقحام الميول الجنسية فيها بشكل مالوش أي معنى درامي أصلا، بقى بجد ممنهج وأوفر.. ولما فيلم عن superheroes اللي هو أصلًا فيلم للأطفال قبل الكبار بسبب حبهم وحبنا للأبطال الخارقة يتم إقحام فيه نفس الشيء يبقى الموضوع بجد سخيف”.

نرشح لك: 16 مليون مشترك في Netflix  خلال أزمة كورونا

تابعت: “وأنا مع منع الفيلم لأن السيطرة في السينمات على مين هيشوف الفيلم صعبة.. كفاية أصلًا الأطفال بتشوف إيه في البيوت لو أهاليهم مش منتبهين.. أنا إنسانة كبيرة أؤمن بالحريات تماما ولذلك لا تعنيني ميول أي حد الجنسية إطلاقا، بس ده مش معناه إن لازم نجبر ونتفرج على المحتوى ده ونقبله كأمر واقع وإن ده العادي!! لأ معلش هو في إيه بجد.. الموضوع بقى أوفر الواحد يكون بيشوف فيلم وهوب تلاقي كذا وكذا كده ومش حتى منطقي مع الأحداث لأ هو موجود عشان المخرج عايز كده”.

أضافت: “فكرة أن نجبر وننشر أن ده العادي للأطفال فكرة غريبة جدا، دور الأهالي تعلم ولادها يبقوا ناس بتحترم الآخر بالرغم من اختلافهم وبس.. إنما تصدير عندهم الفضول أنهم يجربوا أي حاجة بقى ما هو superman كده يا ماما بقي حاجة مرعبة.. أنا حقيقي صعبان عليا أهالي الأطفال في هذا الزمن!”.

في سياق ذو صلة، كانت الشركة الموزعة “Imax” لفيلم “Eternals”، أعلنت تراجعها عن عرض الفيلم في مصر بعدما كان مقررا عرضه الأربعاء، ويأتي ذلك على خلفية وجود مشاهد مثلية داخل العمل.