خاص

رانيا يوسف: بناتي بيصلحولي مفاهيم اتربيت عليها غلط

دنيا شمعة

قالت الفنانة رانيا يوسف، إنها تتعامل مع بناتها وتربيهم بطريقة تعتمد على النقاش بشكل أساسي.

تابعت خلال حوارها مع “إعلام دوت كوم“: “أنا مع بناتي بتكلم معاهم في كل المواضيع اللي تتخيلوها واللي ما تتخيلوهاش، لأن أنا اتربى عندي إحساس الخوف في مجتمع مينفعش فيه البنت تسأل وتعرف حاجات معينة، فإحنا اتربينا إننا ما نتكلمش وما نسألش”.

نرشح لك: فيديو.. رانيا يوسف تعلن عن إنشاء حساب على “فيس بوك”

أضافت: “أنا بعمل العكس تماما وبخليهم يتكلموا ويسألوا ويفهموا ونناقش بعض، وكتير بيصلحولي مفاهيم أنا اتربيت عليها غلط كنت عاوزة أعلمهالهم هما كمان.. بس اكتشفت انهم صح”.

أردفت: “الغلط اللي أنا اتربيت عليه ده دفعت تمنه من خبرة الحياة ومن وجع في قلبي ومن عمري، فاكتشفت إنهم لما بيبصوا للموضوع من زاويتهم هما كشباب صغير، لقيت عندهم وجهة نظر محترمة جدا للأسف إحنا متربناش عليها.. ودلوقت بقى معاهم الموبايل لو أنا قولتلها معلومة غلط بيقولولي لأ انتي غلط وبيدخلوا يبحثوا في الموضوع، وده مكانش متاح لينا”.

 

View this post on Instagram

 

A post shared by @e3lam

كانت رانيا يوسف انتهت من تصوير أخر موسمين من مسلسل “الآنسه فرح”، حيث يتم حاليا عرض أولى حلقات الموسم الرابع عبر شاشة “mbc4” ومنصة “شاهد vip”، وهو من بطولة أسماء أبو اليزيد، وأحمد مجدي، ورانيا يوسف، وعارفة عبد الرسول، ومحمد كيلاني، وتامر فرج، ومريم الخشت، وجيلان علاء، وهبة عبد العزيز، من إخراج وائل فرج.

مسلسل “الآنسة فرح” من إنتاج شركة S Productions لصاحبتها سالي والي، ويعتبر هو النسخة العربية من المسلسل الأميركي الكوميدي الشهير Jane The Virgin.

وعلى صعيد آخر، أكدت رانيا يوسف أنها تواصل تصوير مسلسلها الجديد “المماليك”، من إخراج حازم فودة، وتأليف هشام هلال، ويشاركها في البطولة الفنان بيومي فؤاد، ومحمد لطفي، وحنان سليمان، ويتكون المسلسل من 60 حلقة والمقرر عرضهم في الموسم الشتوي المقبل.

وكانت آخر أعمال الفنانة، مسلسل “ملوك الجدعنة” من بطولة عمرو سعد مع مصطفى شعبان وياسمين رئيس ودلال عبد العزيز ورانيا يوسف، وإخراج أحمد خالد موسى.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock