ياسمين صبري تعلق على تصدرها التريند بحوارها مع أنس بوخش

علقت الفنانة ياسمين صبري، على تصدرها التريند خلال الأيام الماضية، بعد حوارها مع الإعلامي الإماراتي أنس بوخش، في برنامج “ABtalks”.

قالت ياسمين خلال لقاء مع برنامج “The Insider بالعربي“: “الفكرة كلها في المذيع وأسئلته، هو بيدخل جوا الشخص مش بيهتم بالإشاعات، هو بيهتم بالإنسان واللي وراه.. عشان كده الناس شافت وجهة تانية بس هي دايما موجودة”.

نرشح لك: ياسمين صبري عن علاقتها بوالدها: “مفيش علاقة”


تابعت: “لكن للأسف قبليه مفيش حد تطرق ليها. قبل كده كانوا بيحكوا على حاجات فنية وتريند وإشاعات، والإنسان أكتر من كده بكتير”.

كانت الفنانة ياسمين صبري تطرقت خلال حوارها مع أنس بوخش، إلى تفاصيل علاقتها بوالدها والتي قالت إنها لا تجمعها علاقة بوالدها منذ صغرها بعد انفصاله عن والدتها، وذلك كان باختياره هو.

تابعت: “أمي هي كل حاجة في حياتي، لأن هي اللي خلتنا أنا واخواتي نعيش مع جدتي وجدي لأنها سافرت بعد ما انفصلت عن والدي من وأنا طفلة عندي سنتين، فمشوفتش غير أمي وجدتي وجدي.. هما اللي كانوا في حياتي”.

أضافت: “مفيش علاقة بيني وبين والدي، بس الانفصال مش سبب.. الناس بتاخد اختيارات في حياتها، وفيه ناس بتختار تحمل المسئولية وانها تكمل الطريق للآخر وناس تانية بتختار نفسها أو أيا كان، الانفصال مش معناه إن العيلة تتفكك”.

يُذكر أن آخر أعمال ياسمين صبري مسلسل “فرصة تانية”، بطولة أحمد مجدي، أشرف زكي، دياب، محمد أبو داوود، أيتن عامر، محمود البزاوي، هبة عبدالغني، إدوارد، ابتهال الصريطي، ومن إخراج مرقس عادل.

ياسمين صبري