شيرين رضا ترد على جدل قُبلتها لـ خالد النبوي في "قمر 14"
قالت الفنانة شيرين رضا، إن فيلم “قمر 14” الذي عُرض لأول مرة في الدورة الخامسة من مهرجان الجونة السينمائي، سيعرض جماهيريا في شهر ديسمبر المقبل.
أشارت خلال لقاء مع برنامج “mbc Trending“، مع صبحي عطري، إنها تعيش قصة حب خلال أحداث الفيلم، متابعة: “إحنا عطشانين لقصص الحب”.
نرشح لك: مجدي الهواري ينفي زواجه من أنغام: أختي!
وعن مشهد القُبلة الذي جمع بينها وبين خالد النبوي في نهاية الفيلم، قالت: “أنا شايفة كل حاجة ليها وظيفة في الفيلم.. كلامي ولبسي وكل حاجة، وبالنسبة للمشاعر الإنسانية دي موجودة بين البشر.. إحنا من كتر ما نفرنا من الحاجات اللي كانت مُقحمة علينا في السينما بطلنا نعمل المشاعر العادية”.
تابعت: “الناس وحشها تشوف حاجة في مكانها متبقاش مُقحمة عشان نبان صيع.. البوسة بالنسبة ليا عادي بس أعرف فين مكانها وإيه سببها، وبعدين نقرر ضرورية ولا لأ”.
وعن استعدادها لتصوير فيلم “بنات رزق”، قالت إنها عبارة عن فيلم كوميدي، لكن يتخلله مشاهد أكشن كوميدية. مشيرة إلى أنها مشغولة حاليا بتصوير أفلامها وتنتظر دخول تصوير أفلام “الملحد” و”القاهرة مكة” و”تحت تهديد السلاح”.
وعن خطوبة ابنتها نور، قالت: “مبسوطلها، أي حاجة تسعدها أنا أكيد بنبسط بيها.. هيصغيرة وجديدة على التنمر، أنا أتعودت لكن هي التنمر جديد عليها فبحاول أعلمها، وهي بتشكيلي من كل حاجة، وأنا بقولها فيه ناس سخيفة لمجرد السخافة، بس أنا ممكن أتنمر عليهم هما كمان هيبقى إيه إحساسهم لما يعرفوا أنهم نكرة كل قوتهم أنهم قاعدين ورا شاشة، هعملهم بلوك فيقدروا يروحوا يهوهوا في حتة تانية”.
View this post on Instagram
فيلم “قمر 14” من بطولة خالد النبوي وشيرين رضا وغادة عادل وأحمد الفيشاوي وياسمين رئيس وأحمد مالك وأسماء أبو اليزيد وأحمد حاتم وخالد أنور ومي الغيطي، ومن تأليف محمود زهران، وإخراج هادي الباجوري.
تدور أحداث الفيلم حول تأثير ليلة 14 من الشهر عند اكتمال القمر، على العلاقات الإنسانية.