أحمد أمين يهدي الموسم الرابع من "الفاميليا" إلى رجل الأعمال الراحل محمود العربي
عبر الفنان أحمد أمين، عن سعادته بنجاح برنامج “الفاميليا”، واستمراره لأربع مواسم، يبدأ عرض آخرها اليوم، موجها الشكر لفريق عمله، ومهديا الموسم الرابع إلى روح رجل الأعمال الراحل محمود العربي.
“حابب اعترف لكم إني مكنتش متخيل إن اللي بيحصل دلوقتي هايحصل بالجمال ده.. زي اليومين دول من سنتين بدأت فكرة برنامج الفاميليا تطلع للنور.. هاشتاج (لمة العيلة) اللي طلع صدفة كده من القلب.. وكان تحديات قررت أعملها مع نفسي على قد ما أقدرعشان أكون أقرب لعيلتي في وسط زحمة الحياة والشغل”.
نرشح لك – 13 تصريحا لـ محمد هنيدي في “معكم”.. أبرزها عن مشاريعه المقبلة
تابع: “وقلت أشارككم. ساعتها غسلت المواعين.. وكلمت عمتي.. وكتبت عن أبويا وأمي.. الله يرحمهم جميعا.. وصلتني ساعتها آلاف الرسايل والكومنتات لناس بدأوا هم كمان تحدي لمة العيلة.. والتحدي كبر بمشاركة مؤسسات مهمة وقفوا جنبي في الرحلة من ساعتها أولهم مجموعة العربي وشركة رايم للإنتاج وكمان ويلسبرنج”.
أضاف: “ودلوقتي مع بداية الموسم الرابع من البرنامج.. الموضوع فاق توقعاتي استضفت نجوم مهمين حابب أشكرهم زي صديقي أكرم حسني والفنانة الجميلة مي كساب .. قنوات تلفزيون حابة تعرض البرنامج.. وإعلانات الفاميليا في الشوارع”.
وجه الشكر إلى فريق عمل البرنامج، كاتبا: “شكرا لفريقي اللي دايما واقف في ضهري.. وشكرا لكل حد اشتغل في الفاميليا.. وشكر خاص لمجموعة العربي وأصدقائي الأعزاء المنتج رامي السكري والأستاذ ماجد فوزي والمخرج صديق الكفاح علاء إسماعيل.. و الموسم ده إهداء لروح الأب اللي رحل عن عالمنا قريب.. الحاج محمود العربي رحمة الله عليه.. تابعو النهاردة أول حلقات الموسم الجديد وحلقة جديدة كل يوم جمعة على صفحة الفيسبوك واليوتيوب وهستنى رأيكم”.