حمو بيكا عن زيارته طفلة مريضة بالسرطان: مش بتاجر بالمرض
نورهان عبد الرحمن
رد مطرب المهرجانات حمو بيكا، على الاتهامات التي وجهت له، بعد ظهوره في فيديو مع طفلة مريضة سرطان، حيث وصفه البعض بأنه يتاجر بمرضها.
عبر “بيكا” عبر صفحته الرسمية على موقع التواصل الاجتماعي “فيس بوك“، عن استيائه كاتبا: “بمناسبة البوست المنتشر بخصوص إني زورت الطفلة الجميلة في بيتها عشان هي بتحبني، أولا أنا زورت الطفلة الجميلة دي بناءً على طلبها ثانية أنا مطلبتش إن حد يصورني أو أنا بتاجر بالمرض والتفكير الرديء جدًا اللي بقي في الناس ده”.
نرشح لك: موقف إنساني.. حمو بيكا يزور طفلة مصابة بالسرطان
تابع: “ثالثًا أهلها صوروني عشان فرحتهم بوجودي مش لعرض الشو والمتاجرة بالمرض والكلام الهايف ده، ارحموا نفسكم من الهري الكتير.. بتتعبو نفسكم عالفاضي تفكيركم بقي منحدر بطريقة بشعة في لازم الفتي في كل المواضيع أنا مش بتاع شو ولا هكون بتاع شو في حاجة زي دي بالذات، ارحموا من في الأرض يرحمكم من في السماء”.
كان عدد من مستخدمي مواقع التواصل الاجتماعي، تداولوا فيديو لمطرب المهرجانات حمو بيكا أثناء زيارته لطفلة مصابة بالسرطان في منزلها.
ظهر “حمو” خلال الفيديو وهو يحيي الطفلة وأهلها في منزلها، ويقدم لها الهدايا دعما وتشجيعا لها.
في سياق آخر كان حمو بيكا عبر عن استيائه من بعض الأشخاص اللذين يقومون بالتقليل منه لأنه ليس متعلما.
وجه “بيكا” رسالة لمنتقديه عبر حسابه على موقع التواصل الاجتماعي “فيس بوك”، كتب فيها: “طب وايه يعني عندي إخواتي وقرايبي بيقرولي وبيكتبولي اللي أنا عايزه؟ ببساطة محدش فينا أتولد عارف كل حاجة! كلنا كنا مغيبين عن كل حاجة”.
تابع: “وكلنا جهلة.. الدكتور جاهل عن المحاماة.. والمحامي جاهل عن المحاسبة.. والمحاسب جاهل عن المهندس (الكمال لله وحده) محدش كامل. وزي ما قولت أنا منولتش شرف التعليم بس اتعلمت ازاي اشتغل وأشيل مسؤلية، اتعلمت ازاي أشقى من صغري ومقولش لحد اديني”.
استكمل: “زي ما أنا أتعلمت حاجات كتير جدا في الحياة -أنت يا متعلم هتفضل جاهل بيها- فإن حد يكتبلي أو يقرالي، دي حاجة متخصش حد في الدنيا”.