خالد الجندي: الدعاء لرئيس الدولة فيه صلاح للأمة
نورهان عبد الرحمن
قال الشيخ خالد الجندي، إن الدعاء لرئيس الدولة هو دعاء للدولة كلها، وفيه صلاح للأمة التي ستجني منه ثمار الخير، مؤكدا على أنه ليس تطبيل للسياسة.
أضاف “الجندي” خلال برنامج “لعلهم يفقهون“، مساء السبت، المذاع على قناة “dmc”: “لما تدعي لرئيس الدولة يعني بتدعي للدولة كلها، يعني لو دعيت أن ربنا سبحانه وتعالى يوفقه لما يحبه ويرضاه إحنا نتمنى حاجة أكثر من ذلك”.
نرشح لك: خالد الجندي عن العلاج بالقرآن: القرآن منزلش على مشايخ
تابع: “أنا عاوز بس أكلم ضميرك وأكلم خيالك لكل واحد فاكرني بطبل للسياسة، موضوع المناصب خلصنا منه الحمد لله، محدش يقدر يتهمني إني واخد منصب مفيش ولا عاوز حاجة والحمد لله”.
أردف: “لو قولت يا رب احشرني معاه في الجنة أو مع الصالحين، أنت كده بتتنبأ بمكانه في الجنة؟! لا محدش قال كده خالص، لو كان من أهل الجنة خدني معاه ولو كنت أنا من أهل الجنة ياخده معايا”.
برنامج “لعلهم يفقهون” ديني اجتماعي، يُذاع من السبت إلى الخميس في تمام الـ4 مساء ماعدا الخميس في الـ3 مساء، يقدمه الشيخ خالد الجندي والشيخ رمضان عبد المعز.