شاهد.. أغنية "النوايا" من فيلم "ماكو"
طرح الفنان مسلم، برومو أغنية فيلم “ماكو“، عبر قناته الرسمية على موقع الفيديوهات “يوتيوب”.
الأغنية تحمل اسم “النوايا” اشترك في غنائها ثلاثة مطربين هم مسلم ومصطفى شكري زمي مصطفي، والأغنية كلمات وألحان مصطفى شكري وتوزيع أحمد أمين.
نرشح لك: استمع.. برومو أغنية “يا ساتر” لـ دياب
جاءت كلمات الأغنية كالتالي:
النوايا قصاد مرايا عاكسة شر مالوش نهاية
والقلوب خافياه
جوه كل حد فينا طاقة كره ولاعبه بينا
وصورة مش صافية
في يوم هتصادف المواقف
كله قدام بعض واقف
واللحظة دي كافية
تكشف اللي ملوش أمان والخسران في الامتحان
مستواه هيبان
اللي كان عامل مثالي واللي من باب التسالي
عاش دور الإنسان
ربك رايد الشدايد تبقى درس للي حايد
واللي كان ندل وجبان
كله فـ بحره عاش غريق ماشي بيضل الطريق
مد إيده للحياة والنفس عمال يضيق
يلا نفسي بس نفسي جوه مركب مش بترسي
هي دي للعبة وقانونها ضاع فـ اللعبة 100 فريق
جلسه طارئة فيها قاضي جوة عالم افتراضي
ممنوع الحكم لبريء
كعب داير ع الخساير هتفيد بأيه البشاير
لما هتقوم الحريق
النهايه مش سعيدة هيا دي اللقطه الوحيدة
ع الحدوته بتليق
كله فـ بحره عاش غريق ماشي بيضل الطريق
مد إيده للحياة والنفس عمال يضيق
يلا نفسي بس نفسي جوه مركب مش بترسي
هي دي للعبة وقانونها ضاع ف اللعبة 100 فريق
لو ناوي تعيد حسابك انتهي وقت الحساب
وافتح غلطك في بابك من بره قافل عليه
مهما تفتح كتابك ازاي تقرا الكتاب
لو سوء النيا طاغي ومغميلك عنيك
كله فـ بحره عاش غريق ماشي بيضل الطريق
مد إيده للحياه والنفس عمال يضيق
يلا نفسي بس نفسي جوه مركب مش بترسي
هي دي للعبة وقانونها ضاع ف اللعبة 100 فريق
يذكر أن أحداث فيلم ماكو مستوحاة من قصة حقيقية حول عبارة (سالم إكسبريس) التي غرقت في منطقة سفاجا، وتدور حول ذهاب 8 أشخاص لديهم شركة إنتاج أفلام في رحلة بهدف الغوص في أعماق البحر الأحمر في عالم مليء بالذكريات وتقع أغلب أحداث فيلم ماكو تحت الماء.
الفيلم يضم مجموعة كبيرة من نجوم الفن، وبسمة، ونيقولا معوض، وناهد السباعي، ومنذر رياحنة، وفريال يوسف، وعمرو وهبة، ومحمد مهران، وسارة الشامي، والعمل من تأليف أحمد حليم، ومحمد حفناوي، وإنتاج بيراميدز للإنتاج الفني للمنتج محمد الشريف، وإخراج هشام الرشيدي، وإشراف عام محمد التلباني، ومدير تسويق كريم هشام.