نداء شرارة عن وصفها بالعانس: انتم والجهل وجهان لعملة واحدة
ردت المطربة نداء شرارة، على وصف متابع لها في تعليق، بالـ “عانس”، بأن هذا اللقب يعتبر ضغطا على المرأة.
كتبت “شرارة” عبر حسابها على “إنستجرام”: “احتراما لشخصك علما انك لا تستحق، بس ما خليت اسمك يبين.. أنا بس عندي تعقيب على مصطلح عانس مين اللي اخترع هاد المصطلح؟.. أنا بعد سنة رح صير 30 سنة، يعني هل أنا رح صير معنسة؟ ما ضل شي تضغطوا فيه على المرأة فصرتوا تنعتوها بكملة عانس؟”.
نرشح لك: سميرة عبد العزيز: محمد صبحي أخرجني من الحداد النفسي على زوجي
أضافت: “وياريت على عمر 30.. هلأ بالعشرينات وبسألوكي ليش لسة مش متجوزة وكأنو فيه مشكلة فيكي يعني وفيه بنات بتدخل بحالة اكتئاب كل ما سمعت انو في واحدة من صاحباتها اتجوزت لأن اللي حواليها ضاغطينها، الناس اللي بتفكر بهالطريقه انتم والجهل وجهان لعملة واحدة، لأ وبتضحكوني بس يقعدوا يقولوا لواحدة متى رح نفرح بيكي.. خلص كبرتي وقلت فرصك واقبلي هلأ بأي شي والحقي خلفيلك ولدين قبل ال40”.
أردفت: “فيه أهالي ماشيين على مبدأ خلينا نجوزهم صغار من باب انو كبرت وقادرة تفتح بيت خلص ومش قادرين على مصاريف البنات فبنجوزهم صغار، وبالأخر بيسألوا ليش في حالات طلاق معبية الدنيا، على فكرة انا بقبل اضل مش متجوزة طول حياتي ولا اخد واحد شبهك وزيك”.
استطردت: “البنت بكل المراحل بتضلها قمر وسكر ومنورة، واللي ما بجيها نصيبها مش عانس هيك رب العالمين كاتب كل تأخيرة، وفيها خيرة وفي نماذج كثيرة بالعالم لسيدات ناجحة ومستقلة ومش متزوجين، مين قالك الست ناقصة إذا ما تزوجت؟.. هاد نصيب مكتوب من عند رب العالمين، بكفي تضغطوا على بناتكم عشان خايفين من هالمصطلح ومن حكي الناس حبوهم واسندوهم وغطوهم برموش عيونكم، يعني واذا صارت 30 وتصير بأي عمر كمان خلي العسل بجراره حتى تغلي أسعاره”.
اختتمت: “الله يكتب لكل بنت بساعة هالفجر الفرح والراحة وبيت مليان حب وسعاده دائمة، أهم من زواج مليان كره و مرار وقلة تقدير ومشاكل ووجع راس لأولادهم بس لأنها اضطرت تتجوز عشان خايفة تكبر وتروح فرصتها”.
View this post on Instagram
يشار إلى أن الفنانة نداء شرارة، كانت قد طرحت أغنية حملت اسم “قالهالي”، عبر قناتها الرسمية على موقع الفيديوهات “يوتيوب”، من كلمات أحمد حسن راؤول، ألحان جان ماري رياشي، توزيع ألكسندر ميساكيان وإخراج جيلبر بو زيد.