تفاصيل نجاة المخرج محمد العدل من الغرق
كشف المخرج محمد العدل تفاصيل نجاته من حادث غرق، صباح اليوم، موضحا أنه لولا تدخل الأشخاص لكان فقد حياته في البحر.
كتب العدل عبر حسابه على فيس بوك: “النهاردة نزلت البحر وأنا بعرف أعوم كويس.. دخلت جوة شوية وبعدين حسيت إني تعبان ومش قادر أقف حتى في المياه وماليش طول.. عومت عشان ارجع والمسافة كانت بعيدة”.
تابع: “ابتدى نفسي يروح وبقيت حتى مش قادر ارجع على الشط.. لولا ستر ربنا وواحد كان بعيد عني شوية.. قعدت انادي واشاورله فجالي وسحبني لغاية ما بقي ليا طول.. كنت روحت فيها.. الحمد لله على كل حال وشكرا للي انقذني ويارب حسن الخاتمة”.
نرشح لك: بعد مهاجمته لمعز مسعود.. حلا شيحة ترد على والدها
على صعيد آخر، كان المخرج محمد العدل قد وجه رسالة إلى الفنانة حلا شيحة، قبل أيام، منتقدًا تبرؤها من مشاركتها في فيلم “مش أنا” وكليب “بحبك” مع تامر حسني.
وشارك “العدل” متابعيه عبر حسابه على فيس بوك، الخميس الماضي، كاتبا: “يا ريت بس لما تطلقي مترجعيش تقولي عايزة أمثل تاني يا أستاذة حلا”، حسب قوله.
كانت الفنانة حلا شيحة، انتقدت الفنان تامر حسني، بعد طرح كليب يجمعها به من خلال فيلم «مش أنا» لما يحمله من مشاهد رومانسية، حيث قالت: «أنا اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه أنا إيه ..واتفاجئت أكتر خصوصا بعد وعد تامر حسني ليا وتأكيده انه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي، إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح انا عارفة ومتاكدة ان زملائي جواهم خير بس للاسف فتنة الشهرة والنجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا».
وتابعت حلا:«أنا عيطت لاني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسی».