بسبب أزمتها الأخير.. رسالة مؤثرة من أصالة لـ شيرين عبد الوهاب
وجهت الفنانة أصالة نصري، رسالة دعم للفنانة شيرين الوهاب، وذلك على خلفية أزمة التسجيل الصوتي المنسوب لوالد زوج الأخيرة.
نشرت “نصري” عبر حسابها الشخصي على موقع “إنستجرام” صورة لشيرين عبد الوهاب، وعلقت عليها كاتبة: “مرات بيكونوا القراب مصدر ألم بس المحبّة اللي بتغمرنا بتشيل الوجع وبتبرره، صعبة نوقف بوش الوجع وصعب نشوف الصورة معكوسة، نحنا ما بنرد الإساءة بالأخرى ولا الأذى بمتله، ولا الشر الكبير بمرادف أكبر، بنتأمل المصدر بنتعلم من الطعنة، بنجمد الدمع بالحناجر، وبنرد بما نحن عليه اليوم.. أنتي شيرين واسمك بيكفي”.
نرشح لك: قدموا الدعم في أزمتها الأخيرة.. شيرين عبد الوهاب تشكر 11 فنانا
View this post on Instagram
يشار إلى أن شيرين عبد الوهاب، كان قد ردت على التسجيل الصوتي المنسوب لوالد زوجها، قائلة: “عايزة اطمن كل الناس اللي بتحبني، كل الناس الكويسين، إن أنا بخير، مفيش أي نوع من أنواع الخطر عليا أو على حياتي، بالنسبة للي حصل واحتاج إن أنا أرد عليه، مش هينفع ارد عليه في كلمتين”.
تابعت: “اسمحولي إن أنا أقولكم إن حسام جوزي اللي أنا معشراه، ده إنسان من أنضف رجال الدنيا، وإنسان محترم ومتربي وبيحبني أكتر من نفسه وميستاهلش أبدا أبدا منكم كم القسوة ده بس أنا مدياكوا العذر علشان أنتوا متعرفهوش، بس عايزة اقولكوا إن الراجل اللي ربنا حاطه في طريقي في الوقت ده، في وقت أنا كنت فيه متكسرة ومتدمرة هو بنى لي شخصيتي وخلاني بقيت بعرف اتكلم ورجع لنفسي تاني الثقة، حسام ربنا هو اللي بعتهولي، فربنا مبيعمليش حاجة وحشة”.
استكملت: “حسام بيحبنا أكتر من نفسه أنا وبناتي، ده دليل إنه من ساعة ما اتجوزني ماستفدش اي حاجة ومعملش لنفسه أي حاجة، وهو بس عايش علشان يخاف عليا وعلى عيالي من كل شيء، وبالنسبة لحاجات كتيرة مش المفروض أرد عليها لكن أنا عايزة أقول كمان إن الست حماتي اللي ربت راجل أخلاقه عاملة كده لازم تكون ست عظيمة، فحسام إنسان عظيم وأمه ست عظيمة ويتمنى منكم إن انتو تدعولنا بالذرية الصالحة وبقولكم مفيش أي حاجة من دي خالص حسام إنسان نقي ونضيف وربنا هو اللي بعتهولي”.