أحمد إبراهيم عن تسريب المكالمات والمحادثات: شغل حقير ومحبط

شارك الموزع أحمد إبراهيم، الجمهور بمنشور أعرب من خلاله عن استيائه الشديد من التسريبات التي يتداولها البعض للفنانين والمشاهير.

كتب “إبراهيم”، عبر حسابه الشخصي على “فيس بوك” الآتي: “موضوع تسجيل المكالمات أو الاسكرينات المنتشر مؤخرا عشان نفضح حد والشغل الحقير ده محبط جدا خصوصا اننا في مواقع تواصل مش داخلين نتعبد يعني كله بياخد ويدي عادي بحسن نيه!”.

نرشح لك: القصة الكاملة للتسجيلات المسربة عن خطط حسام حبيب.. الجرس تؤكد ووالده ينفي

تابع: “وخصوصا في زيي كتير بيتواصل وبيرد على ناس كتير وبيتفاعل مع كل الناس أعملهم لايكات لصورهم وبوستاتهم زي بيعملوا عندي ومش بحب أحرج حد راجل أو ست حقيقي أو fake ولو طلب مني مساعدة أو رقمي بتاع الشغل ويبعتولي أرقامهم نتواصل واتساب رغم انه منتشر خلقه أو مكان الاستوديو أو حتى ناس جداد شعراء ملحنين، مطربين، عازفين أو صحفيين لمواقع محترمين أو مدعين انهم صحفيين وبيبقوا فانز لنجوم أو حتى ناس عاديه محبين ليا بتواصل معاهم على سوشيال ميديا بقالنا سنين من غير ما أشوفهم”.

أضاف: “لكن للأسف في ناس بتكون مبعوتة مخصوص تستغل ذوقك خصوصا للبنات أو الشخصيات العامة، الواحد أحسن له يبطل يرد على أي حد أحسن محدش ضامن حد وهرجع أخلي الناس اللي شغالين معايا يمسكوا الأكونتات كلها”.

استكمل: “الفكرة لو ماردتش تبقى مغرور وقليل الذوق ولو رديت انت وحظك بقى يطلع محترم او يطلع وسخ يستغل ردك، المشكله انك كإنسان عادي بتحتاج أكونت تعبر فيه عن حاجه زي فرحة بفوز فريقك أو تفرح بجايزة أو نجاح لشغلك وسط أهلك أو تعيد على حد أو تكلم صحابك القدام مش معقول دي كمان هنتحرم منها عشان ناس سودا معندهمش ضمير! ربنا يسلمنا منهم”.