القصة الكاملة للتسجيلات المسربة عن خطط حسام حبيب.. الجرس تؤكد ووالده ينفي

جدل كبير أثير في الساعات القليلة الماضية، عقب نشر موقع “الجرس” تسجيلا صوتيا لحسين حبيب، والد الفنان حسام حبيب، زوج الفنانة شيرين عبد الوهاب، اعترف فيه بنية نجله للزواج على الأخيرة وسرقة أموالها.

تواصل “إعلام دوت كوم” مع والد حسام حبيب، للتأكد من صحة التسجيل المنسوب إليه، إلا أنه نفى ما قيل فيه، مؤكدا أن القصة كلها مفبركة، وأنه ليس هو الشخص المتحدث.

نرشح لك: “بحبك كلمة قليلة”.. رسالة رومانسية من شيرين لـ حسام حبيب في عيد ميلاده

على صعيد آخر، قال والد حسام حبيب، خلال الفيديو المسرب إن نجله لا يتسم بشخصية سهلة على الإطلاق، وإنما هو بالذكاء الكافي الذي يمكنه من تأمين نفسه في حالة انفصاله عن شيرين، حيث قال: “أنا عارف إن حسام دماغة سم وهو ذكي جدا ومش سهل، فأكيد هو في دماغه حاجة ومأمن نفسه”.

تابع: “شيرين عملاله توكيل بدليل انه معاه الفيزا بتاعتها وبيقدر يسحب من حسابها وعارف الرقم السري بس هو بيروح يسحب الفلوس اللي هو عايزها”.

فيما تحدث عن علاقة الكره بين شيرين عبد الوهاب وأسرته، حيث قال: “إيمان أم حسام مش بتحب شيرين، إيمان تنكة، وعاملة زي المليونير لما يفلس هي صرفت الفلوس اللي أبوها سابهالها وصرفت فلوس حسام، شيرين عايزة تقولها بتتنكي على ايه يا روح أمك ده أنا عزماكي وهتسافري على حسابي والفندق على حسابي”.

استكمل القصة قائلا: “حسام قالها مايصحش انتي كده بتطردي أمي وبتطردي أختي، قالت له بقولك اية انا مش طايقاهم ولا طايقاك انت كمان، قالها طيب انا مسافر، قالتله في ستين داهية وطلقني قبل ما تمشي، المهم سافر خد امه واخته وجه، لقيت شيرين بتطلبني وبتقولي عايزة أطلق لو سمحت خليه يطلقني، عملنا عليها تمثيلية بقى ان انا جيت المأذون وأنه كتب خلاص الطلاق بس انا قولتله استنى شوية لحد بس شيرين ما تهدى عشان لما تاخد القرار تاخده وهي هادية، قومنا كام يوم كده وصالحناهم على بعض وخلاص، إيمان مش بتحبها عشان شيرين بلدي، هي أصلا إيمان جدودها من تركيا ومن النمسا، وحسام تعليمه أجنبي لكن شيرين ماعرفش واخدة آية، دبلوم صنايع ولا مش دارسة مش عارف”.

تفاصيل المكالمة المسربة المنسوبة لوالد حسام حبيب.. الاستيلاء على الأموال والزواج سرا !

على صعيد آخر، كشف عن رغبة نجله في الزواج بأخرى للإنجاب، قائلا: “نفسي يبقى عندي حفيد، أنا بحب الأطفال جدا بالذات لما يبقى حفيدي، وبعدين نفسي أجيب عيل أنا نفسي أخلف انا كمان، لية حسام ميتجوزش بالسر مثلا، انا فكرت في خطة حلوة أوي، أنا هقوله يجي يتجوز ويخلي مراته عندي، وميقولش لشيرين ويبقى يجي ينام معاها هنا عندي، هو ساعات بيروح ينام عند أمه في الرحاب في التجمع، المهم مرات حسام تقعد معايا هنا، وحسام يبقى رايح جاي من غير ما يقول لشيرين. لما تحمل وتخلف ويبقي عنده عيل فرحان كده بيه عايز يقولها يقولها ميقولهاش هو حر هو مقتنع بكلامي وهو قالها انه هيتجوز عشان عايز يخلف”.

أضاف: “انا شايف إن هي قضت على حسام، يعني من ساعة ما حسام عرفها مش داريان بنفسه، لا نزل أغنية ولا اشترك في فيلم ولا مسلسل، يعني هي سحبت كل وقته وخدت نجوميته وضافتها على نجوميتها هي، هي داست عليه وطلعت على حسابه هو”.

فيما أكد على أن شيرين عبد الوهاب لا يمكنها الإنجاب حاليا وتخضع للعلاج، وقال: “حتى لو مبتخلفش، واحدة خلاص عندها 39 سنة وقربت على الـ ٤٠ احتمال الخلف عندها ضعيف وهما يقالهم سنتين اهو مخلفوش لية، هي سافرت أمريكا بس ما قالوش عملوا ايه في أمريكا، كانت بتعمل رعاية صحية بتعمل تحاليل وبتكشف وبتعمل استشفاء في أمريكا أو بيسموها check up بتطمن على نفسها، وهو عمل كمان فحوصات عشان يشوف نفسه الخلفة كويسة والذكورة وكده، طبيعي هو طبيعي الحيوانات المنوية مظبوطة وسليمة، وزي الفل، هو يقدر يخلف”.

تابع: “مش عارف هل هو بيحبها بجد فعلا زي ما بيقول كده ولا هو ذكي وعارف إن هي شخصية متقلبة وممكن في أي وقت تطلب الطلاق وكده، هي شخصية ملولة جدا بتمل الدنيا ونفسها وولادها بتمل ملولة أوي، عندها جنون الفنانين ده فاهمة، أنا من مصلحته يتجوز بنت صغيرة تخلف له وجميلة وعندها طموح”.

فيما استعاد موقف أدى إلى غضب نجله، وقال: “حصلتلي قبل كده موقف كان سخيف جدا جدا، واحدة عملت نفسها من فرنسا وهي أصلا من تونس ولا معرفش منين، واتكلمنا مع بعض واتصورنا وبتاع وراحت خدت سكرين شوت وبعتته لحسام، حسام خاصمني فيها ست شهور، طبعا هي كانت بستفزني بكلام وسخ عملت ايه وشيرين ايه، وانا زي الأهبل عمال أقول أي كلام انتي عارفة ساعة السكس الواحد بيهيس، وهي بتستدرجني لأن هي عايزة تسجل ده وتبعته وتبتزه يعني، بس شيرين طلعت جدعة قالتله قولها ده راجل وانشري اللي عايزه تنشريه ولا يهمنا لكن انتي معروف إن انتوا عصابات، وكلمتني قالتلي ولا يهمك يا بابا واوعى تزعل، بس هي مسكته بقى بس بعد 6 أشهر قالتله تعبان وفي السرير مابينامش وقرفان ومش بيرد عليا قالتله بقولك ايه هو بنت انت عامل نفسك زي النسوان كده ليه قوم فوق هو فيه ايه ايه اللي حصل، ما كل الرجالة كده وكل الرجالة بتهيس، وبقت تكلمني وتقولي انت ابونا انت يا بايا أعمل اللي انت عايز تعمله. اوعى تفتكر إن الكلام اللي سمعته عنك ده زعلني منك او كده لا ابدا ده عادي يعني وبيحصل انا عارفة انها كانت لحظة ضعف وهي استغلتها ووقعتك فيها”.