هلا رشدي: بحاول أحافظ على الحجاب
شاركت الفنانة هلا رشدي، الجمهور بمنشور أكدت من خلاله تمسكها بارتداء الحجاب.
وكتبت “رشدي” في المنشور الذي طرحته عبر صفحتها الرسمية على موقع “فيس بوك” الآتي: “أنا مش أحسن واحده بتلبس الحجاب لكن بحاول أحافظ عليه وأحسِّن منُّه وادعي ربنا يهديني لما يحب ويرضى.. كلنا بنعك وبنضعف بس الصح نطلع لقدام مش نرجع لورا”.
نرشح لك: هلا رشدي: الشخصيات الملتزمة في الأعمال الفنية منفرة
تابعت: “لما الشيطان (سواء إنس أو جن) يحاول يقنعك تقلعي الحجاب وكل شيطان بطريقته وشطارته بقى يتسرسب لمخك إزاي، واحد يقولك استمتعي بحياتك وجمالك انتي لسه صغيره، وواحد يقولك شكلك باين أكبر من سنك بالهلاهيل اللي بتلبسيها ديه، وواحد يقولك عيب تعملي كده وانتي محجبة احترمي حجابك يا تقلعيه، وواحد يقولك هوه ده لبس حجاب ده؟ ما تقلعيه أحسن بدل ما تسيئي للحجاب! وواحد يقولك اقلعيه عشان تتجوزي.. إلخ”.
أضافت: “أول حاجة تعمليها تستعيذي بالله منه ومن خطواته، وتستغفري وتصلي على النبي كتير وتبدأي تِشَغَّلي دماغك وتبتكري في شكل حجابك، لحد ما تبصي في المرايه حابه شكلك وعلى قد ما تقدري، على قد ما تقدري راضية ربك، فتنزلي واثقه في نفسك، فتحببي البنات في الحجاب، فتاخدي ثواب أكبر من تمسكك بحجابك.. فتجيب له جلطة، وربنا يهدينا ويصلحنا ويرضى عننا جميعاً ويثبتنا”.
يشار إلى أن هلا رشدي كانت قد شاركت الفنان محمد الشرنوبي مؤخرًا، في غناء أغنية إعلان شركة “AMS” للملابس، الذي طرح خلال شهر رمضان الحالي.