محمد رحيم لـ عمرو مصطفى: اشتغل وأنت ساكت والزم حدودك

انتقد الملحن محمد رحيم، تصريحات الفنان عمرو مصطفى التي ذكرها خلال برنامج “العرافة”، قبل أيام، والتي اعتبرها إهانة للفنانين وزملائه من أبناء المهنة.

كتب “رحيم” عبر حسابه على موقع التواصل الاجتماعي “فيس بوك”: “صديقي عمرو مصطفى شاهدت حلقتك في برنامج العرافه للإعلاميه بسمة وهبة، وكان ليا تعليق الحقيقة شوف يا عمرو أنا ميهمنيش أبدا أنك تبقى عايش في كدبة كبيرة ومصدقها، لكن يهمني أنك متفرضش الكدبة دي على الناس وتحاول تقنع بيها بعض شرائح الجمهور البسيط اللي ميعرفش حاجات كتير عن أسرار وخبايا المهنة بتاعتنا”.

نرشح لك: عمرو مصطفى: عمرو دياب بيغير مني وهكون نمبر1 عربيًا

تابع: “البلد مليانة مبدعين وعلى أعلى مستوى من الموهبة والدراسة والإبداع وكل واحد ليه مدرسته وليه تجاربه اللي لازم تحترم، وكل واحد شق طريقه بنفسه وبذل مجهود لا يستهان به فأنت مش من حقك تقلل من حد ولا تحط نفسك فوق حد ولا تغلط في حد من أبناء مهنتك المبدعين اللي كلهم ناجحين سواء مطربين أو ملحنين”.

أضاف: “اشتغل وأنت ساكت والزم حدودك أنت مش أكتر من ترس في عجلة جوه مصنع جوه مدينه جوه بلد كاملة اسمها بلد الإبداع والفن والحضارة وهوليوود الشرق (مصر) وأنا كل ما أبدأ معاك صفحة جديدة ترجع تخون الصداقه والعيش والملح وتفاجئني بما هو أفدح من كل مرة. قبل كده كتير كنت بسكت وبقول مفيش داعي نكبر الموضوع المرادي أنت بجد زودتها أوي”.

استكمل: “كفاية غلط في الناس كفاية سخرية من مجهود الناس كفاية تعدي على كل الناس اللي شقيت وحفرت في الصخر علشان تكون أساميها، وأنا كنت أتمنى أن الرد ده أسمعه من السيد نقيب الموسيقين الفنان هاني شاكر أو رئيس جمعية المؤلفين والملحنين د/ مدحت العدل، ولكن كلهم سمعوا إهانه الناس وسكتوا”.

 

صديقي عمرو مصطفى شاهدت حلقتك في برنامج العرافه للأعلاميه بسمه وهبه وكان ليا تعليق الحقيقه شوف يا عمرو انا ميهمنيش ابدا…

تم النشر بواسطة ‏‎Mohamed Rahim‎‏ في الأحد، ٢ مايو ٢٠٢١