هند صبري: لا أخشى الحديث عن ذهابي لطبيب نفسي

قالت الفنانة هند صبري، إن ذهابها لطبيب نفسي ليس عيبا، خاصة أنها تراه شيئا عاديا.

تابعت “صبري” خلال حلولها ضيفة على برنامج “يوم ليك”، مساء الأحد، مع سمر يسري عبر شاشة “الحياة”: “أنا مبتكسفش خالص، وشايفة إن دي حاجة المفروض تبقى عادية وطبيعية وكلامها عنه ونيتي وراه أنها تبقى حاجة عادية وطبيعية”.

التفاصيل| بمشاركة هند صبري.. انطلاق القمة الخامسة لـ “Traverse 2021”

أضافت: “الدكاترة النفسيين مش لاقيين وقت يناموا، دول طوابير، فين العيب زيها زي أي حاجة عضوية الدماغ بتتعب، أنا لا في ثقافتي ولا تربيتي إن أخاف أقول إني بروح لدكتور نفساني”.

في سياق آخر، قالت إن مخاوفها قلت وأكثر ما تخشاه هو تقلب الزمن، مردفة: “دوام الحال من المحال، ودي حاجة تخوف فلازم قدر كبير من الإيمان بربنا، حتى لو حياتك اتغيرت 180 درجة هيبقى في أسباب أن تبقى حياتك كويسة وسعيدة، مش لازم تربطي سعادتك بفترة زمنية أو نجومية معينة، السعادة حاجة وأنتي فين دلوقت حاجة تانية”.

أردفت: “أكون كدابة لو قولت مش خايفة من انصراف الأضواء عني، هي الشهرة إدمان ودي مشكلتها، فلازم طول الوقت تحاسبي نفسك أنك متطريش في الهواء، بحاول أثبت سعادتي واستقراري على حاجات تانية غير الأضواء، ويا ريت أغلب الفنانين يعملوا كده، ونفسي يارب ميحصليش عدم توازن أو خلل في شخصيتي”.

هند صبري تشارك في رمضان 2021 بمسلسل “هجمة مرتدة” مع أحمد عز وهشام سليم وصلاح عبدالله وماجدة زكي ونصال الشافعي وندى موسى ومايان السيد وخالد أنور، ومن إخراج أحمد علاء.