مشكلة نقابية تمنع عمر كمال من تجربة التمثيل لأول مرة

بعدما أعلن المخرج محمد كمال العدل عن مشاركة المطرب عمر كمال كممثلا لأول مرة في مسلسل “بين السما والأرض” المقرر عرضه في رمضان المقبل، أوضح أن دكتور أشرف زكي نقيب المهن التمثيلية تواصل معه وأخبره أن “كمال” غير مقيد في النقابة.

نشر “العدل” عبر حسابه الشخصي على موقع التواصل الاجتماعي فيسبوك، وكتب: “تواصل معايا د. أشرف زكي وبيقولي إن عمر كمال عنده مشكلة إنه مش نقابي وأنا كنت فاهم إنه مقيد في نقابة الموسيقيين، هشوف ممكن أعمل إيه، لكن الغريب هو كم الزعل من الخبر إن عمر كمال يمثل، على فكرة أحمد عدوية وحسن الأسمر وحكيم مثلوا وشعبان عبد الرحيم الله يرحمه مثل مع أستاذ داوود عبد السيد ومكانش فيه مشكلة يعني”.

نرشح لك: في رمضان 2021.. وجوه جديدة تستحق النجومية

وفي سياق آخر، كتب: “أما الناس اللي بتقول لي إن أنا منفذتش وعدي وقابلت الناس في الـ casting، إحنا جالنا أكتر من 7 آلاف شخص عايز يمثل، سامع الرقم، 7 آلاف، وأنا مش مسؤول إن فيه ناس اتصلت ومكتب الـ casting مردش عليهم، ده غير إن معايا أكتر من خمس ممثلين خريجين معهد فنون مسرحية ووجوه جديدة مش خريجين المعهد وبيمثلوا لأول مرة، أنا طول عمري قد كلمتي واللي يعرفني يعرف كدة كويس و مش مطلوب مني أقدم كشف باللي اختارتهم من الـ casting علشان سيادتك متتهمنيش إني بعمل show”.

وكان “العدل” نشر صورة تجمعه بعمر كمال، وكتب: “عمر كمال ممثل لأول مرة،بين السما والأرض، رمضان ٢٠٢١ إن شاء الله، يا كريم يارب”.

يذكر أن مسلسل “بين السما والأرض” مكون من 15 حلقة، قصة الأديب نجيب محفوظ، سيناريو وحوار إسلام حافظ، إخراج محمد العدل، يشارك في بطولته هاني سلامة، درة، أحمد بدير، أحمد رزق، نجلاء بدر، يسرا اللوزي، محمود الليثي، أحمد السلكاوي وندى موسى.

المسلسل مأخوذ عن رواية الأديب نجيب محفوظ، ومستوحى من الفيلم السينمائي مع وجود أحداث وشخصيات مختلفة.