"بيقولوا كلام مش عايزة أسمعه".. ابنة يوسف شعبان تكشف تطورات حالته الصحية

كشفت زينب يوسف شعبان، ابنة الفنان يوسف شعبان، تطورات حالته الصحية بعد انتشار شائعة وفاته بكورونا.

قالت “زينب” خلال مداخلة هاتفية مع برنامج “مساء dmc” مع الإعلامي رامي رضوان، مساء الخميس، عبر شاشة “dmc”: “الحمد لله وضع الوالد مستقر، ويا ريت الشائعات دي تقف، عشان بتأثر على نفسيتي أنا أو أي حد من الأسرة لما ييجي عدد كبير أوي يقولولي كلام أنا مش عاوزه أسمعه ومحصلش”.

نرشح لك: نهال عنبر تنفي وفاة يوسف شعبان بكورونا

أضافت: “وعشان نوقف الكلام مفيش جهاز صناعي عليه، ومحطوط على الأكسجين عادي ومكمل علاج كورونا وفي العزل في المستشفى”.

أردفت: “مش عاوزين الكلام ده حاليًا وتركيزنا كله مع الوالد، ويا ريت الناس متاخدش كلام من أي حد”.

يذكر أن إعلان إصابة الفنان يوسف شعبان بفيروس كورونا، كانت مساء يوم الثلاثاء، ونُقل على إثره إلى المستشفى.