كلمات أغنية "القصة واللي كان" لحمزة نمرة
طرح الفنان حمزة نمرة، منذ قليل، أغنيته الجديدة “القصة واللي كان”، عبر قناته على موقع الفيديوهات “يوتيوب”.
الأغنية من كلمات محمد الشافعي، وألحان حمزة نمرة، وتوزيع كريم عبد الوهاب، وجيتار مصطفى أصلان.
نرشح لك: شاهد “القصة واللي كان”.. أغنية جديدة لـ حمزة نمرة
جاءت كلمات الأغنية كالتالي:
دي القصة واللي كان
اتنين حبوا زمان
تفتكروا الحب كمل؟
ولا مع الوقت هان؟
هو كان قلبه خام
و ُقليل فـ الكلام
لسه صغير لكنه
مليان وحدة وآلام
هي زينة البنات
بضفيرة وفيونكات
ولا تعرف يعني ايه
حب ولهفة وغرام
وقابلها في مرة صدفة
اتبرجل لما شافها
ابتسمت بان كسوفها
إحساس خطفه وخطفها
ده يومين.. وهتنساها مش ده الحب اللي يعيش
إنسيه.. دي قلوبكم لسه بريئة ما بتحبيش
ده كلام.. من أقرب ناس لما حكولهم سمعوه
والحب مكنش بإيدهم يعني عشان ينسوه
بيشوفها مكان ميروح
في خياله ومش بتروح
من شكله هتعرف إنه
حيران قلبه ومجروح
هي قلبها مكسور
ووحشها ومش بتقول
مش عارفه هتنساه.. ولاّ
وجع القلب ده هيطول؟
وقابلها ف مرة صدفة
دمع أول ما شافها
باين ف عينيها خوفها
وفيه بينهم ألف سور
ده يومين.. وهتنساها مش ده الحب اللي يعيش
إنسيه.. دي قلوبكم لسه بريئة مبتحبيش
أيام.. عدت ما نسوش من وقت ما قالوا سلام
عمر القلب اللي يحب ما يرجع زي ما كان
دي القصة واللي كان
اتنين حبوا زمان
وجعوا قلوبهم عشان حبوا قبل الآوان
يذكر أن حمزة نمرة كان قد طرح 9 أغنيات من الألبوم مؤخرًا وهم: “مولود سنة ٨٠، ستة صباحًا، فاضي شوية، الوقعة الأخيرة، استعيذوا، يابا، مش مهم، معلش، أحكيلك خوفي”.