سماح أنور: سر أخفيته عن محمود سعد كاد يقطع صداقتنا

علقت الفنانة سماح أنور، على إنكارها لابنها أدهم وعدم معرفته بأنها والدته لفترة، وقالت: “أنا عملت فيه مقلب كبير جدا، لأن الأنا بتاعتي كانت عالية قوي في الفترة دي، وكنت عايزة أرضي أبويا وأمي إلى حد كبير يعني، فأنكرت وجود أدهم شوية”.

تابعت “أنور” خلال لقائها مع برنامج “it’s Show Time” المذاع على شاشة cbc وتقدمه الإعلامية هبه الأباصيري، أن هذا استمر إلى أن كبر بعض الشيء في العمر وبدأ الناس في المدرسة يخبروه أنها ليست والدته، مضيفة أنها كانت في لقاء مع الإعلامي محمود سعد وكان صديقها المقرب.

نرشح لك: سماح أنور: بحب الرجالة الكبار في السن

أردفت أنه كان يزورها في بيتها طوال الوقت ولم يكن يعرف هذه القصة، وطلب منها أن تقول سر لم تعلن عنه من قبل خلال إجابة السؤال الأخير في الحلقة، مضيفة: “معرفش ليه لقيت نفسي مش عايزة أقول حاجة تانية غير كده، حسيت إن أنا اكتفيت بهذا القدر مش قادرة استحمل أكتر من كده إن أنا اقعد اعمل السيناريوهات الكتير تعبت”.

استكملت أنه سألها ما هو السر الذي ستعلن عنه لأول مرة، فقالت له: “السر اللي أنا عايزة أعلنه إن أدهم ابني فعلا مش متبنى ولا حاجة، وأدهم كان عارف لكن مكنش مصدق، لأنه الناس بتقول حاجة وأنا بقوله حاجة فده بالنسبة له مش كافي، ومحمود نفسه اتخض وبعد الحلقة قال لي انتي بتتكلمي جد؟ طيب ازاي أنا معرفش؟ تقريبا كنا هنخسر بعض فيها الحركة دي وأنغام اللي صالحتنا، ومن اللحظة دي اتغير الموقف تماما”.