أول تعليق لـ يسرا اللوزي على صورها المثيرة للجدل خلال الحمل
علقت الفنانة يسرا اللوزي، على جلسة تصويرها بمجلة “فوج أرابيا” وظهرت فيها حاملا، وأثارت الجدل عل صفحات مواقع التواصل الاجتماعي.
قالت في مداخلة هاتفية ببرنامج “حديث القاهرة” مع الإعلامي خيري رمضان وكريمة عوض على قناة القاهرة والناس: “من كام سنة نزلت صور حلوة وقلت صباح الخير واتشتمت، والناس بتهاجم وتشتم وتعودنا على هجوم السوشيال ميديا وتعودنا على التعليقات السخيفة وتعودنا منردش عليها، لان لو لو هقعد أرد على أى حاجة عمرى ما هلحق أعيش حياتي”.
نرشح لك:بعد الإشادة به.. أحمد حلمي لـ علي معلول: “يا رب دايما سعيد”
تابعت: “كنت أتمنى الناس تقرا المقال اللي نزل على مجلة فوج وتفهم طبيعة الموضوع، قبل ما تهاجمني”.
أضافت: “أنا عاملة الصور كنوع من أنواع التوثيق وحسيت إنى عايزة يبقى عندي صور فنية زى اللوح الفنية بتاعت زمان، حسّيت ان نفسي يبقا عندي صور”.
واستكملت: “الموضوع كان فنى أكتر من أى حاجة والسوشيال ميديا بقت كلها كذب فى كذب والناس كلها بتضحك على بعض، والواقع مش كده وكلنا بشر وفينا عيوب وكل الناس بتضحك على كل الناس والسوشيال ميديا مهمة ولكن أنا عندى معتقدات معينة ومش هتغير”.
أكدت أنها لن تغير طريقة تفكيرها ومعتقداتها رغم هذه الانتقادات، وأن الصور تفهمها البعض وأعجب بها أيضًا.
نوهت بأن صورها على “انستجرام” غالبا ما تكون طبيعية دون أن تقوم باي تعديل أو تجميل لها، مضيفة:”بحب الناس تشوفني زي ما أنا بكل ابعاد شخصيتي”.
قالت: “كان هدفي من الصورة أن الستات تفتخر بأمومتها وتتقبل شكلها في الحمل، أنا يحترم الجميع لكن مش من حق حد يشتم حد”.