7 تصريحات لـ علي ربيع.. أبرزها رفضه في معهد التمثيل بعد تكريمه

هدير عبد المنعم

حل الفنان علي ربيع، ضيفا على لى الإعلامية إيمان الحصري، في برنامج “مساء dmc” المذاع على شاشة “dmc”، وتحدث عن بداياته الفنية وأشياء من حياته الشخصية.

يرصد “إعلام دوت كوم” أبرز تصريحات علي ربيع في السطور التالية:

1- “الموضوع جه صدفة والتمثيل مكنش في دماغي خالص، وكنت بحب ألعب كورة وألعاب قوى وجري ومصارعة، وبالصدفة واحد صاحبي معايا في الجامعة قالي لازم تروح المسرح علشان موهوب، وقعد يقنعني لحد ما دخلت المسرح”.

2- حصلت على جائزة أفضل ممثل على مستوى جامعات مصر، والذين منحوني الجائزة هم معلمين معهد التمثيل، ولكن عندما تقدمت للالتحاق بالمعهد لم أنجح، “الدكاترة في المعهد هما اللي ادوني جايزة أحسن ممثل، إزاي أسقط، أنا كنت هتجنن”.

نرشح لك: منتجة فيلم “الخطة العايمة” ترد على اتهامات سرقة اسم الفيلم

3- “مسرح مصر” هو الانطلاقة الحقيقية لي، وشعرت بها بعد عرضه في التلفزيون.

4- أول عرض لمسرح مصر لم يحضره سوى 4 أشخاص واعتقدنا أن المشروع انتهى ولكن عندما عرض في التليفزيون أقبل الناس على شراء التذاكر والحضور.

5- “عمرى ما اتعزمت على أي مهرجان الحمد لله، وأنا مش عارف السبب”.6- “عدم وجودي في المهرجانات خسارة ليهم هما، أنا بتفرج على المهرجانات ومش مهم أكون موجود، لأنها مهمة وبتعكس صورة حلوة عن الفن المصري، الحمد لله لما بنزل الشارع الناس بتشيلني من على الأرض شيل، من الفرحة، وده هو المهرجان والاحتفال الحقيقي بالنسبة ليا”.

6- قلدت محمد صلاح في مشهد في أحد البرامج، وفيه تشابه بيني وبينه في الشعر.

7- “أنا أهلاوي، أنا مبحبش التعصب يعني أن الناس فريقها يكسب ينزل الشارع يكسر الفريق التاني طيب ليه يعني، ما فريقك كسب روح افرح مع صحابك ليه بتروح تهجم على الناس التانية؟ وبكرة الفريق التاني هيكسب والدنيا بتمشي”.

يذكر أن علي ربيع يشارك في بطولة فيلم “الخطة العايمة” والذي يعرض حاليا بدور العرض السينمائي، بمشاركة الفنان محمد عبد الرحمن وغادة عادل وعمرو عبدالجليل وصلاح عبدالله وبيومي فؤاد، تأليف كريم سامي، إخراج معتز التوني.