رسالة عمرو محمود ياسين لمشجعي الأهلي والزمالك

هدير عبد المنعم

علق الكاتب عمرو محمود ياسين، على مقطع فيديو متداول يظهر خلاله مشجع لنادي الزمالك وهو منهار في المستشفى، بعد هزيمة الزمالك في نهائي بطولة دوري أبطال أفريقيا أمام النادي الأهلي.

كتب “ياسين” عبر حسابه الشخصي على موقع التواصل الاجتماعي “فيس بوك”: “شفت فيديو غريب جدا وصعب لمشجع زملكاوي منهار في المستشفى علشان الزمالك خسر، شاب صغير.. بس أنا عايز أقول لا يا جماعة مش للدرجة دي، دي رياضة يا أخوانا، لازم نحط الأمور في نصابها الصحيح”.

نرشح لك: عمرو أديب عن أزمة شيكابالا وجمهور الأهلي: جرائم أخلاقية

تابع: “أنا جزء كبير من سعادتي بالفوز إني كنت خايف على ابني محمود اللي طول الأسبوع مشغل أغاني الأهلي في البيت، وعمال بيغني معاها وبحرقة وبقاله يمكن شهر بيقولي إن يا بابا لو الأهلي خسر ممكن يجرالي حاجة، ففعلا جزء كبير من فرحتي بالفوز أنه ماتضايقش بالشكل ده”.

واصل: “وعايز أقول لكل أخواتي وأولادنا، أهلاوية وزملكاوية الحياة مليانة تحديات ومحتاجة مننا مجهود وطاقة وفروا طاقتكم وصحتكم لتحديات أكثر شراسة وقوة وأهمية وهتكون بتخصكم أنتوا شخصيا.. حبوا أنديتكم وانتموا كما شئتم .. لكن خافوا على نفسكم.. خافوا على مستقبلكم وأهلكم.. ربنا يحفظنا جميعا”.

يذكر أن النادي الأهلي فاز على نادي الزمالك بهدفين مقابل هدف في نهائي بطولة دوري أبطال أفريقيا مساء الجمعة، وسجل أهداف الأهلي عمرو السولية ومحمد مجدي “قفشة” وسجل هدف الزمالك محمود عبد الرازق “شيكابالا”.