دنيا ماهر ومصطفى درويش: "كاملة أبو ذكري تعمل اللي هي عايزاه"

رد كل من الفنان مصطفى درويش، والفنانة دنيا ماهر على تصريحات المخرجة كاملة أبو ذكري، حول اتهامها أبطال مسلسل “بـ100 وش”، بالغرور دون ذكرها لأسماء محددة.

قال “درويش” خلال حضوره مهرجان الفضائيات العربية لـ “ET بالعربي“: “كاملة القائد بتاعنا فتنتقد وتعمل اللي هي عايزاه براحتها يعني”، مضيفًا: “استحالة يكون أنا، أنا عارف نفسي ماليش في الحتة دي”.

نرشح لك: 10 تصريحات لـ دنيا ماهر.. أبرزها عن دورها في “بـ 100 وش”

أردف: “كان موضوع بسيط والشخصيات المقصودة منه كمان، يعني كان ممكن يتحل بس كاملة من زعلها علينا ومن زعلها إنها عايزة تخلي النجاح ده بأدبه واحترامه وليه هيبة، فهي عايزة تخليك ناجح بهيبة ومتزعلش الناس منك”.

من جانبها، قالت “دنيا”: “أنا شخصيا أبقى مبسوطة لو اتغريت شوية حاجة كويسة بالنسبة لي، بس أنا أظن إن هو كان سوء فهم والأستاذة رجعت قالت تصريحات مختلفة، وفي الآخر الأستاذة كاملة تقول اللي هي عايزاه”.

يذكر أن كاملة أبو ذكري انتقدت عدد من أبطال مسلسل “بـ100” الذي عرض في رمضان الماضي عبر حسابها الشخصي على موقع التواصل الاجتماعي “فيس بوك” قائلة: ”سمعت واتأكدت أن بعض الممثلين المبتدئين من مسلسل بميت وش بعد النجاح الفظيع المريع لمسلسل بميت وش شافوا نفسهم والغرور سيطر على تصرفاتهم، عايزة أقولكم خسارة الغرور مقبرة الفنان زي ما قلنا يوسف شاهين”.