تامر أمين لـ رمضان صبحي: "غيرت كلامك ليه؟!"

دنيا شمعة

علق الإعلامي تامر أمين، على تصريحات اللاعب رمضان صبحي، المنتقل حديثًا إلى نادي بيراميدز، أثناء لقائه في برنامج “الحكاية” مع الإعلامي عمرو أديب، ليلة أمس، مشيرا إلى أنه يرى تضاربًا في تصريحاته.

تابع “أمين” خلال حلقة اليوم الثلاثاء، من برنامجه “آخر النهار”، المذاع عبر شاشة “النهار”: “غيرت كلامك ليه يا رمضان إمبارح؟.. هي الحاجات اللي كانت مضيقاك من الأهلي دي ظهرت إمبارح بس؟”.

نرشح لك: أحمد موسى لـ “البدرى”: ضم رمضان صبحى للمنتخب “مجاملة” لبيراميد

أردف: “ده أنت في عز زعل الأهلاوية منك مقلتش أسباب.. أنت بس لما ملقتش حتة الطموح جايبة همها.. قلت تغير كلامك”.

أضاف: “أصل لو كنت بتدور على الطموح.. فهو في الأهلي، والألقاب في الأهلي، بلاش السكة دي يا أبو رمضان عشان السكة دي غيرك جربها ومنفعش، فكرة إنك تقلب جمهور الأهلي على الأهلي دي انساها تمامًا.. الجمهور بيدعم الكيان مش الإدارة”.

استكمل: “السكة دي هتخسرك زيادة.. حتى لو كان فيه 1% متعاطف معاك لسه هتخسرهم، معنديش مشكلة إنك تختار الفلوس، أنت بقى العب وركز مع ناديك.. وانسى النادي الأهلي، عشان جمهور الأهلي هو كمان قفل صفحتك، بلاش تفكرهم بيك تاني وباللي عملته”.

يشار إلى أن رمضان صبحي، صرح مع الإعلامي عمرو أديب ليلة أمس في برنامج “الحكاية” أنه واجه مماطلة من النادي الأهلي في ضمه إليه بعد فترة إعارته، مشيرا إلى أنه حاول الاتصال بالكابتن محمود الخطيب ليخبره بعرض نادي بيراميدز، إلا أن الأخير لم يرد عليه.