10 تصريحات لـ رانيا يوسف.. أبرزها عن تعرضها للتحرش

دنيا شمعة

حلت الفنانة رانيا يوسف ضيفة على برنامج “مساء dmc” مع الإعلامية إيمان الحصري، عبر شاشة “dmc”، مساء الأحد. وتحدثت خلال اللقاء عن العديد من الأمور عن حياتها الشخصية، وآرائها في بعض القضايا التي شغلت الرأي العام مؤخرًا، كما ردت على بعض الانتقادات التي وجهت لها.

يعرض إعلام دوت كوم فيما يلي أبرز 10 تصريحات لرانيا يوسف خلال اللقاء:

 

نرشح لك: رانيا يوسف: “بصوم اتنين وخميس”

1- أنا اتولدت في بيت فيه 7 قطط، ودلوقت عندي 4 كلاب.. الفكرة في الرحمة، مش معنى أنهم مبيتكلموش يبقى نربطهم ونضربهم ونعذبهم.

2- أنا بصحى من النوم بلاقي نفسي تريند، من غير ما أعمل أي حاجة، يعني مثلًا النهاردة صحيت لقيتهم منزلين صورة ليا من سنتين ومتصدرة التريند، فأنا مش عارفة التريند ده مبني على إيه.

3- عمري ما قصدت إني ألفت النظر ولا أبقى تريند، بنتي هي اللي ماسكة السوشيال ميديا، وهي اللي بتختار الصور اللي عاوزاها وتعملها إيديت وتنزلها من غير ما ترجعلي.

4- فيديو الهولاهوب اللي قلب الدنيا ده أنا كان قصدي أوعي الناس، أنا كنت قاعدة في البيت وحجر صحي وعمالة أكل وأطخن، قلت هنزل أجيب هولاهوب، ونعمل شوية رياضة.

5- نور الشريف هو اللي ليه الفضل إني أكمل، نصحني في مسلسل الحاج متولي، قالي إنتي كويسة لو ركزتي هتستمري.

6- أنا مش من الستات اللي عندي تارجت إن جوزي يبقي غني، والدليل على كده إن جوازاتي التلاتة محدش منهم كان غني.

 

7- أصوم الاثنين والخميس، ليس للجانب الديني فقط وإنما للصحي أيضًا.

8- أنا وبنتي الكبيرة تعرضنا للتحرش، وهو ما سبب لي حالة مرضية من أي مكان مزدحم، وعندما انتشرت حادثة التحرش الشهيرة، “قلت لأ لازم نتجمع ونتكلم كلنا لأن المتحرش في الآخر جبان”.

9- المتحرش المفروض مكانه في مصحة نفسية، مش وسطنا في المجتمع.

10- أنا مصرية جدًا وأمي مش من السودان، وأنا من طنطا.