كريم فهمي مدافعًا عن "ميدو": وصل للعالمية وكان رمزا
عمر خليل
عبر الفنان كريم فهمي عن استيائه من الانتقادات الموجهة إلى المحلل الرياضي ولاعب الزمالك السابق أحمد حسام “ميدو” على مواقع التواصل الاجتماعي بسبب حديثه المتكرر عن صداقته مع اللاعب السويدي زلاتان إبراهيموفيتش، مهاجم ميلان الإيطالي.
نرشح لك: بعد مشاجرته مع “الشناوي”.. الأهلي يغرّم كهربا مليون جنيه
كتب “فهمي” عبر حسابه الشخصي على موقع تبادل الصور والفيديوهات “إنستجرام”: “هو الشباب الصغير اللي بيعمل كوميكس علي ميدو والهزار على موضوع زلاتان، ماشي هزر مرة واتنين بس الكتير بيبوخ أوي، وبعدين أنا قلت شباب صغير عشان واضح انهم مش عارفين ميدو ده كان ايه ومشافوش مسيرته والفرق اللي لعب ليها”.
أضاف: “ميدو أول لعيب مصري يوصل للعالمية بمعنى الكلمة ولحد دلوقتي اسمه معروف بره وبيحترموه جدا يعني ميدو رمز مهم في المنطقة ديه، وعلى فكرة جت فترة كان أعلى وأنجم من زلاتان فعلا تخيلوا”.
يشار إلى أن آخر أعمال الفنان كريم فهمي، مسلسل “ونحب تاني ليه” الذي عرض في رمضان 2020.
مسلسل”ونحب تاني ليه” بطولة ياسمين عبد العزيز، وشريف منير، وسوسن بدر، وعلا رشدي، من تأليف عمرو محمود ياسين، ومن إخراج مصطفى فكري.